Dipesaleme 133 - Sesotho 1909/1961 (SO)Ho roriswa lerato la boena. Sefela sa Mahalothe. Sa Davida. 1 Bonang, ho hotle, ho monate hakakang, ha baena ba phela hammoho ba ntse ba le bang! 2 Ho jwaloka ole e hlokwang, e tshelwang hloohong, e qhitsetsang ditedung, ditedung tsa Aarone, e qhitsetsang ho isa le mosehong wa seaparo sa hae. 3 Ho jwaloka phoka ya Hermone, e theohelang dithabaneng tsa Sione, hobane ke moo Jehova a laeletseng hlohonolofatso le bophelo ka ho sa feleng. |
© Bible Society of South Africa 1961. Used with permission. All rights reserved.
Bible Society of South Africa