Dipesaleme 13 - Sesotho 1909/1961 (SO)

Thapelo ya ya batlang ho kgathalla ruri.

Ho monga baphokodi. Pesaleme ya Davida.

¹ O tla isa kae, Jehova? Na o ka ntebala kamehla na? O tla mpatela sefahleho sa hao ho isa kae?

² Moya wa ka o tla ipelaetsa ho isa kae? Pelo ya ka e tla lesa neng ho itlhokofatsa? Sera sa ka se tla lesa neng ho mphahamela?

³ Jehova, Modimo wa ka, tadima, o nkutlwe! O edise mahlo a ka, hore ke tle ke se ke ka robala boroko ba lefu;

⁴ mme sera sa ka se se ke sa re: Ke mo hlotse! le hore ho thekesela ha ka ho se ke ha thabisa ba ntubang!

⁵ Athe ke tshepile mohau wa hao. Twelo ya hao a e ke e thabise pelo ya ka.

⁶ Ke tla rorisa Jehova ka baka la botle boo a nketsetsang bona.