Dipesaleme 129 - Sesotho 1909/1961 (SO)

Ba hloileng Sione ba tla fela.

Sefela sa Mahalothe.

¹ Esale le botjheng ba ka, ba ntubile haholo,

² — Israele a ke a rialo! — esale le botjheng ba ka, ba ntubile haholo; empa ha ba ka ba ntlhola.

³ Balemi ba lemile mokokotlo wa ka, ba isitse maselatsela a bona halelele.

⁴ Jehova o lokile, o kgaotse mehala ya ba babe.

⁵ A ba ke ba hlabiswe dihlong, ba suthe kasanthao, bohle ba hloileng Sione.

⁶ A ba ke ba be jwaloka jwang bo melang marulelong, bo omellang bo eso ho hole;

⁷ mohedi a ke ke a tlatsa letsoho la hae ka jona, ya tlamang mangata a ke ke a bo jara;

⁸ le bona bafeti ha ba na ho re: Jehova a le hlohonolofatse! re le hlohonolofatsa lebitsong la Jehova!