Dipesaleme 128 - Sesotho 1909/1961 (SO)

Boiketlo ba ba tshabang Modimo matlung a bona.

Sefela sa Mahalothe.

¹ Ho lehlohonolo motho ka mong ya tshabang Jehova, ya tsamayang ditseleng tsa hae.

² E, o tla ja ditholwana tsa mesebetsi ya matsoho a hao. Menono le lehlohonolo di be ho wena!

³ Mosadi wa hao, kahare ho ntlo ya hao, o jwaloka morara o beang haholo; bara ba hao ba teela tafole ya hao hare, jwaloka mehlwaare e metjha.

⁴ Bonang, ya tshabang Jehova o tla hlohonolofatswa jwalo! Jehova a ke a o romele mahlohonolo a hae a le Sione!

⁵ O ke o bone lehlohonolo la Jerusalema ka matsatsi wohle a ho phela ha hao.

⁶ O tla bona le bana ba bana ba hao. Kgotso e be ho Iseraele!