Dipesaleme 127 - Sesotho 1909/1961 (SO)

Kantle ho hlohonolofatso ya Modimo ha ho letho le ka tiyang.

Sefela sa Mahalothe. Sa Salomone.

¹ Ekare haese Jehova ya hahang ntlo, ba e hahang ba sebeletsa lefeela; ekare haese Jehova ya bolokang motse, molebedi o fadimehela lefeela.

² Ha ho thuso leha le tsoha le mafube, leha le robala e se e le ka phirimana, leha le ntse le eja bohobe ba kgathatso; Jehova o fa eo a mo ratang, a ntse a robetse.

³ Bonang, bara ke lefa la Jehova, mme tholwana ya popelo ya mosadi ke moputso.

⁴ Bana ba botjha ba rona ba jwaloka metsu letsohong la mohale.

⁵ Ho lehlohonolo motho eo kgohlopo ya hae e tletseng bona! A ke ke a swaba kgotla, mohla ho tsekwang ditaba le dira.