Dipesaleme 125 - Sesotho 1909/1961 (SO)

Modimo ke lerako le sireletsang Iseraele bakeng sa meleko le kweneho.

Sefela sa Mahalothe.

¹ Ba itshepetseng Jehova ba jwaloka thaba ya Sione e ke keng ya sisinyeha, e tiileng ka ho sa feleng.

² Dithaba di teela Jerusalema hare; Jehova o teela setjhaba sa hae hare jwalo, jwale le ka ho sa yeng kae.

³ Hobane lere la bolotsana le ke ke la dula kabelong ya ba lokileng, esere mohlomong ba lokileng ba otlollela bokgopo matsoho a bona.

⁴ Jehova, etsa molemo ho batho ba molemo le ho ba pelo tse lokileng!

⁵ Haele ba kgelohang, ba yang ka ditsela tse tswedikaneng, Jehova a ke a ba timetse hammoho le ba sebetsang bokgopo! Kgotso e be ho Iseraele!