Dipesaleme 124 - Sesotho 1909/1961 (SO)

Thoko e rokang ya tsebang ho lwela motho metsing le marabeng.

Sefela sa Mahalothe. Sa Davida.

¹ Hola e se be Jehova ya re lwanetseng, — Iseraele a ke a rialo! —

² hola e se be Jehova ya re hauhetseng, mohla batho ba neng ba re phahamela,

³ ba ka be ba re hohlomeditse re ntse re utlwa, mohla bohlanya ba bona bo re tukelang;

⁴ mehleng eo, metsi a ka be a re kgurumeditse, mme diphororo di ka be di fetile hodima meya ya rona.

⁵ Metsi a phorosetsang a ka be a fetile hodima meya ya rona.

⁶ Ho roriswe Jehova ya sa kang a re neela ho rusollwa ke meno a bona!

⁷ Moya wa rona o phonyohile jwaloka nonyana lerabeng la motshwasi; leraba le ne le kgaohe, ra phonyoha.

⁸ Thuso ya rona e lebitsong la Jehova, ya entseng mahodimo le lefatshe.