Dipesaleme 123 - Sesotho 1909/1961 (SO)Modimo o tshepuwe nakong yu ditshomo. Sefela sa Mahalothe. 1 Ke phahamisetsa mahlo ho wena, ya dutseng mahodimong! 2 Bonang, jwaloka mahlo a bahlanka ha a tadima matsoho a benghadi ba bona, le mahlo a lekgabunyane ha a tadima letsoho la mofumahadi wa lona, mahlo a rona a tadima Jehova, Modimo wa rona, jwalo, ho fihlela a ba a re utlwela bohloko! 3 O re utlwele bohloko, Jehova, o re utlwele bohloko! Hobane re se re kgotshe sekgobo haholo; 4 moya wa rona o se o kgotshe ditshomo tsa baikakasi le dinyediso tsa baikgohomosi. |
© Bible Society of South Africa 1961. Used with permission. All rights reserved.
Bible Society of South Africa