Dipesaleme 122 - Sesotho 1909/1961 (SO)

Sefela sa ba etelang Jerusalema ka mekete.

Sefela sa Mahalothe. Sa Davida.

¹ Ka thaba ha ba itse ho nna: A re yeng ka tlung ya Jehova!

² Maoto a rona a eme dikgorong tsa hao, Jerusalema.

³ Jerusalema, o hahilwe jwaloka motse oo matlo a wona a patahaneng hammoho.

⁴ Ke moo ho nyolohelang meloko, meloko ya Jehova, ka taelo e neilweng Iseraele, ho roka lebitso la Jehova.

⁵ Hobane diterone di beilwe teng, e be ditulo tsa kahlolo, diterone tsa ntlo ya Davida!

⁶ Rapellang kgotso ya Jerusalema! Ho atlehe ba o ratang!

⁷ Kgotso a e ke e be marakong a hao, le boiketlo matlung a hao a borena.

⁸ Bakeng sa banabeso le sa metswalle ya ka, ke tla re: Kgotso e be ho wena!

⁹ Bakeng sa ntlo ya Jehova, Modimo wa rona, ke tla o batlela molemo.