Dipesaleme 120 - Sesotho 1909/1961 (SO)

Thapelo e kopang thuso nakong ya diphapang.

Sefela sa Mahalothe (methati).

¹ Matswalong a ka ke phahamisetsa mehoo ya ka ho Jehova, mme o a nkaraba.

² Jehova, o lopolle moya wa ka melomong e etsang leshano, le lelemeng le thetsang.

³ Na moputso wa hao keng, mme seo o tla se kotula keng, wena, leleme le leshano?

⁴ O tla putswa ka metsu e ntjhotjho ya mohale, le ka mashala a hlenneng a sehalahala.

⁵ Ke madimabe hakakang, ha ke aheletse Mesheke, leha ke dutse ditenteng tsa Kedare!

⁶ Ke se ke ikaheletse halelele haholo hara ba hloyang kgotso.

⁷ Ke rata kgotso feela! Empa ha ke bua, ba batla ntwa.