Dipesaleme 113 - Sesotho 1909/1961 (SO)

Ho rokwa ya nyollang motho ya ikokobeditseng.

¹ Bokang Jehova! Rorisang, lona bahlanka ba Jehova, rorisang lebitso la Jehova!

² Ho bokwe lebitso la Jehova jwale le ka ho sa yeng kae!

³ Lebitso la Jehova a le ke le roriswe, ho nka botjhabela ho isa bophirimela.

⁴ Jehova o phahamile kahodimo ho ditjhaba kaofela, le kganya ya hae e kahodimo ho mahodimo.

⁵ Ke mang ya tshwanang le Jehova, Modimo wa rona? O ahile nqalong tse hodimodimo;

⁶ o inamela ho nyarela mahodimong le lefatsheng.

⁷ O tsosa ya madimabe leroleng, o ntsha ya lesitsi thotobolong;

⁸ a tle a ba dudise le mahosana, e, le mahosana a setjhaba sa hae.

⁹ Mosadi ya nyopileng o etsa hore a be le ntlo, o mo nea le bana bao a thabang ka bona. Bokang Jehova!