Dipesaleme 112 - Sesotho 1909/1961 (SO)

Thoriso ya ya tshabang Modimo.

¹ Bokang Jehova! Ho lehlohonolo motho ya tshabang Jehova, ya ithabelang ditaelong tsa hae haholo.

² Lesika la hae le tla ba matla lefatsheng, mme ditloholo tsa ya lokileng di tla hlohonolofala.

³ Menono e ka tlung ya hae le maruo; ho loka ha hae ho hlola ka ho sa feleng.

⁴ Lefifing, lesedi le tjhabela ya lokileng; o mohau, o lereko, o lokile.

⁵ Ho lehlohonolo ya fanang, ya adimanang; nyewe ya hae e tla emelwa kahlolong.

⁶ Hobane a ke ke a sisinngwa le ka mohla o le mong, ya lokileng o tla hopolwa ka ho sa yeng kae.

⁷ A ke ke a tshoha ke pehi e mpe, pelo ya hae e tiile, e itshepisa ka Jehova.

⁸ Pelo ya hae e tiile hantle, ha a tshohe letho, a mahlo a hae.

⁹ O abela, o fa bahloki; ho loka ha hae ho hlola ka ho sa feleng; lenaka la hae le ema ka kganya.

¹⁰ E mobe o tla bona hoo, a hlokofale ke hona; o tla tsikitlanya meno, a omelle. Ditakatso tsa ba babe di tla etswa lefeela.