Dipesaleme 100 - Sesotho 1909/1961 (SO)Lefatshe lohle le memuwa hore le sebeletse Modimo wa nnete. Pesaleme ya diteboho. 1 Phahamisetsang ho Jehova mehoo ya lona ya thabo, lona kaofela ba lefatsheng! 2 Sebeletsang Jehova ka nyakallo, le itlhahise pela sefahleho sa hae ka dipina! 3 Le tsebe hobane Jehova ke Modimo! Ke yena ya re entseng, mme re ba hae, re setjhaba sa hae, re mohlape o aloswang ke yena. 4 Kenang dikgorong tsa hae ka diteboho, le mabaleng a hae ka dithoko! Mo leboheng, le rorise lebitso la hae! 5 Hobane Jehova o molemo, mohau wa hae o hlola ka ho sa yeng kae, le botshepehi ba hae melokong le melokong. |
© Bible Society of South Africa 1961. Used with permission. All rights reserved.
Bible Society of South Africa