Zozuwe 16 - SEBR SÕNGO

Efrayim pʋɩɩre

¹ Tẽng ning poeera sẽn poees n kõ a Zozɛf kamba da sɩngda Zʋrdẽ kʋɩlga, Zeriko sɛɛgẽ, Zeriko ko-bundma yaanga; We-raooga ra sɩngda be n tees Betɛl.

² Toaaga ra taka Betɛl n ta Luz, n yi be n digd Atarot, Arkitsa toaagẽ,

³ n lɛɛg n sigd, nin-taoore, Yafletitsa tẽnga n digd Bɛt-Orõ sẽn be tẽngre, n digd Gezɛr, n tekd mog kãsengã.

⁴ Woto n yɩ a Zozɛf kamba, a Manase la a Efrayim, pʋɩɩre.

⁵ Sã n yaa a Efrayim kamba, bãmb soolma ra sɩnga Atrot-Adar sẽn be yaanga n tat Bɛt-Orõ ning sẽn zao tãnga zugu.

⁶ Nin-taoore, toaaga bẽeg n teesa Mikmetat sẽn be nug goabga n lɛɛgd n gõdgd yaanga n tees Tanaat-Silo, n loog be n digd Yanoa,

⁷ n yi be n digd Atarot la Naara, n tãagd Zeriko la Zʋrdẽ.

⁸ Mikmetat nin-taoore, toaaga yita Tapua n tat Kana kʋɩl-bɛɛga, n tat Tẽnsʋk Mogre. Woto me la a Efrayim pʋɩɩrã.

⁹ Lebd n paasa tẽns niyns sẽn be a Manase soolem tɩ b bas a Efrayim kamb yĩnga, bãmb ne b tẽn-toose.

¹⁰ Kanaã rãmb sẽn da kẽed-b Gezɛr kell n paa be ne a Efrayim n ta rũnna la bãmb n so zagsa tʋʋma.