Zozuwe 15 - SEBR SÕNGO

A Zɩɩda pʋɩɩre

¹ Ad pʋɩɩr ning a Zɩɩda sagsa sẽn deege. Sɩngda Edom toaagẽ, Sin we-raoogẽ wã, Negɛb rɩtg-rɩtgo.

² B toaag kãng da sɩngda Yamsem mogrã, zĩig ning tẽnga sẽn maan wa a yiisa a zelemd Negɛb n na n leg kooma,

³ n tees Akrabim kunkubri, n pɩʋʋgd Sin, n digd Kadɛs-Barnea rɩtgo, n tagd Esrõ, n dʋʋd Adar, n gõdg be n tees Karka,

⁴ n tũud Asmo, n tat Ezipt kʋɩl bɛɛga, n tekd Mog Kãsenga. Dẽ n na n yɩ y nug rɩtg toaaga.

⁵ Yaanga, yaa Zʋrdẽ sɩngre n ta a sẽn wat n kẽed yamsem mogrã n da ya toaaga. Nug goabgã, toaaga sɩngda Yamsem Mogra sẽn yõbg a meng zĩig ningã n ta Zʋrdẽ sẽn kẽed-a zĩig ningã.

⁶ Toaaga da rʋʋda Bɛt-Ogla, n basd Bɛt-Araba goabga n digd pĩig a ye sẽn boond t'a Boã pĩiga; a Rubẽ biig la a Boã.

⁷ Toaaga sẽn yi be a le rʋʋ Debir n yegd Akor bãg-faagã n gõdg nug goabg n tees Gilgal sẽn tot Adumim kunkubrã, kʋɩl-bɛɛga rɩtgo. A sẽn yi be a tũuda Eyin-Semɛs bãgse n tat Eyin-Rogɛl.

⁸ A sẽn le yi be a yegda Ben-Inom bog zulungã n basd Zebuze rãmb tẽnga rɩtgo, dat n yeelame tɩ Zerizalɛɛm, n kul yĩngri n gõdg Inom bokã n tat Refayitsa tẽn-nabrẽ.

⁹ Toaaga sẽn ta tãnga zug tẽnsʋka a gõdg n teesa Neftoa bãgse, n tees Efrõ tãnga n le gõdg n tees Baala, yẽ la Kiriyat-Yearim.

¹⁰ A sẽn yi Baala a gõdga nin-taoore n tees Seyir tãnga n yegd Yearim googã, tãnga goabga, sẽn ya Kesalõ, n sigd Bɛt-Semɛs, n pɩʋʋgd Timna,

¹¹ n tat Ekrõ goabga n lɛɛg n tees Sikarõ, n dʋʋd Baala tãnga la Yabneyɛl, n tekd mog Kãsengã.

¹² Mog Kãsenga la toaag nin-taoore. A Zɩɩda rooga la a sagsa sẽn paam tẽng ninga toaag la woto.

Ebrõ Soaala

¹³ A Yefune biig, a Kalɛb, paama vẽenem a Zɩɩda tẽnsa sʋka wala Soaala-Wẽnd sẽn da wilg a Zozuwe. A Zozuwe kõ-a-la Kiriyat-Araba, Anakits na-tẽng sẽn lebg Ebrõ rũnna. A Arba n yɩ a Anak ba.

¹⁴ A Kalɛb dig n yiisa a Anak kamb a tãabã: a Sesayi, a Ayiman la a Talmayi. Bãmb yaa a Anak yagense.

¹⁵ Dẽ poore a taka zabre ne Debir dãmba. Debir la b sẽn da boond pɩnd tɩ Kiriyat-Sefɛr.

¹⁶ Yaa wakat kãng la a Kalɛb yeel yã: «Ned ninga sẽn tõoga Kiriyat-Sefɛr t'a lebg a soolem m na kõ-a m biig a Aksa t'a maan a paga.»

¹⁷ Yɩ-la a Otniyɛl, a Kalɛb ba a Yefune yao, a Kenaz, biiga n maan raoodo. A Kalɛb rɩka a bi-pugl a Aksa, n kõ-a t'a maan a paga.

¹⁸ A sẽn ta a sɩda nengẽ la a sẽn sagl-a t'a kos a ba pʋʋgo. Dẽ la a ta a ba taoore n sig a bõang zugu t'a Kalɛb sok-a: «Bõe la f rata?»

¹⁹ T'a leoke: «Bũmb la m kota: Yãmb sẽn dɩk maam n tɩ lob Negɛb we-raoogẽ wã, bɩ y kõ-m koom zĩisi.» T'a na n kõ-a bulsi sẽn be tãms zutu la buls sẽn be tẽn-nabrẽ.

²⁰ A Zɩɩda rooga pʋɩɩr la woto:

²¹ Tẽns niyns sẽn be a tẽnga sɛtme, Edom toaagẽ, Negɛb we-raoogẽ: Kabsyɛl, Eder, Yagur,

²² Kina, Dimona, Adeada,

²³ Kedɛs, Asor, Yitnã,

²⁴ Zif, Telem, Bealot,

²⁵ Asor-Adata, Keryot, Esrõ, bɩ Asor,

²⁶ Amam, Sema, Molada,

²⁷ Asar-Gada, Esmo, Bɛt-Pelet,

²⁸ Asar-Sual, Beerseba, Bizyotea,

²⁹ Baala, Iyim, Esem,

³⁰ Eltolad, Kesil, Orma,

³¹ Siklag, Madmana, Sanesanna,

³² Lebaot, Silim, Ayin-Rimo. Fãa zãng yaa tẽns pisi la a wɛ n paas b tẽn-kogse.

³³ Tẽns niyns sẽn be bãada noorẽ: Estaol, Sora, Asna,

³⁴ Zanoa, Eyin-Ganim, Tapua, Enam

³⁵ Yarmut, Adulam, Soko, Azɛka,

³⁶ Saarayim, Aditayim: Gedera, Gederotayim: tẽns piig la a naase ne b tẽn-kogse.

³⁷ Senan, Adasa, Migdal-Gad,

³⁸ Dilan, Mispe, Yokteyɛl,

³⁹ Lakis, Boskat, Eglõ,

⁴⁰ Kabõ, Lamas, Kitlis,

⁴¹ Gederot, Bɛt-Dagõ, Naama, Makeda: tẽns piig la a yoob ne b tẽn-kogse.

⁴² Libna, Eter, Asã.

⁴³ Yifta, Asna, Nesib

⁴⁴ Keyila, Akzib, Maresa: tẽn-toose, bɛd la bõonego, bãmb b wɛ.

⁴⁵ Ekrõ ne a tẽn-toose, bɛd la bõonego.

⁴⁶ Sẽn yɩ Ekrõ n tees nin-taoore, sẽn be Asdod sẽnẽ fãa,

⁴⁷ n paas Asdod ne a tẽn-toose, Gaza ne a tẽn-toose n ta Ezipt kʋɩl-bɛɛga la Mog kãsenga ne a noorẽ tẽnse.

⁴⁸ Ad tãmsa zut tẽnse: Samir, Yatir, Soko,

⁴⁹ Dana, Kiriyat-Sanna, yẽ boondame tɩ Debir dũnna,

⁵⁰ Anab, Estemoa, Anim,

⁵¹ Gosen, Olõ, Gilo: tẽns piig la a ye ne b tẽn-toose.

⁵² Arab, Ruma, Esã,

⁵³ Yanum, Bɛt-Tapua, Afɛka,

⁵⁴ Umeta, Kiriyat-Araba, yẽ boonda rũnna tɩ Ebrõ, la Sior: tẽns a wɛ ne b tẽn-toose.

⁵⁵ Maõ, Karmɛl, Zif, Yuta,

⁵⁶ Zizreyɛl, Yokdeam, Zanoa,

⁵⁷ Kayim, Gibea, Timna: tẽns piig ne b tẽn-toose.

⁵⁸ Alul, Bɛt-Sur, Gedor,

⁵⁹ Maarat, Bɛt-Anat, Eltekon: tẽns a yoob ne b tẽn-toose.

⁶⁰ Kiriyat-Baal, yaa Kiriyat-Yearim; Raba: tẽns a yiib ne b tẽn-toose.

⁶¹ We-raoogẽ: Bɛt-Araba, Midin, Sekaka,

⁶² Nibsã, Ir-Mela, Eyin-Gedi: tẽns a yoob ne b tẽn-toose.

⁶³ A Zɩɩda kamb ka tõog n dig Zebuzitsa sẽn da be Zerizalɛɛm ye. Yaa rẽ yĩng la ba ne rũnna, Zebuzitsa ket n naag a Zɩɩda kamb n kẽed Zerizalɛɛm.