Zeremi 45 - SEBR SÕNGO

Gomd sẽn maag a Barʋk sũuri

¹ Ad-y yɩ-la a Zoziyas biig a Zoakim sẽn waa n lebg Zɩɩda rĩma tɩ yʋʋm pids a naase la a Zeremi kɩt t'a Neriya biig a Barʋk gʋls sebre. Yɩɩ wakat kãnga la a Zeremi yeel a Barʋk:

² «Ad Soaala-Wẽnde, a Israyɛl Wẽnnaam, gomda woto fo poorẽ, Barʋk:

³ ‹Fo yeela woto: kato, m tara zu-bʋko! Tɩ Soaala-Wẽnd kɩtame tɩ yel-beed buud toor-toore, paam maam! M pãng sɛɛme, m yaalame, mam tara kũmkũma bala al tɩ vʋʋsg kaẽ ye.

⁴ Ad Soaala sẽn yet tɩ m wilg-fu: Ad-m tʋʋma sẽn lebg a soaba: mam sẽn da me la m tusd n lubdẽ, mam sẽn da sele la m pʋgd n võoda. Na n yɩɩ woto ne tẽnga gilli, m na n leeb-a-la lɛbla!

⁵ La foo, fo baoodame n na n maan yɛl kãsense, bas tɩ sɛ woto! Yaa yel-beed n na n wa ninsaalb fãa yĩnga. M sẽn na n maan bũmb ning bal f yĩnga, yaa kẽng f sẽn datẽ tɩ m ka na n yãk f yõor ye.› »