Zeremi 19 - SEBR SÕNGO

Yʋ-wãoong makre

¹ Dẽ zugẽ, Soaala-Wẽnd yeela a Zeremi: Kẽng yagd nengẽ n tɩ bao yʋʋr n da. Bool buuda kãsem dãmb kẽere, bool maan-kʋʋdba me kẽere.

² Fo na n tũu Sapeesa noorẽ n dɩk Ben-Inom bãg-faaga sore.

³ Fo na n yeelame: Zɩɩda nanamse, la yãmb sẽn kẽed Zerizalɛɛm, kelg-y dũni fãa Wẽnd, a Israyɛl Wẽnnaama, koɛɛga: Mam tara yell kãsenga n wat tẽn-kãnga yĩnga, al tɩ ned ninga fãa sẽn na n wʋm yellã, a tʋba na n kʋrame!

⁴ Sɩda, Zɩɩda rãmb basa maam, b tedga zĩ-kãnga nenga; b kʋʋ maando n kõ wẽn-naandse, yaa wẽn-sãamse, bãmb da ka mi-ba, sẽn deng-b bãmba da ka mi-ba, Zɩɩda rĩm dãmba me ra ka mi-b ye. B pidsa zĩ-kãnga ne neb sẽn ka tar b toorẽ yell zɩɩm.

⁵ N paas me, b manega zĩiga a Baal yĩnga n wat be n kʋʋd b kamba n yõod bugum. Mam zɩɩ n kõ b noore tɩ b maan dẽ ye, m zɩɩ gom maand a woto buud yell ye, b tagsg meng zɩɩ n wa m yamẽ ye.

⁶ Woto fãa yĩnga, la Soaala gomd tɩ daar n wate tɩ b ka na n le bool zĩ-kãnga tɩ Tofɛt bɩ Ben-Inom bãoogo, b na n bool-a lame tɩ nin-kʋʋr bãg-faaga.

⁷ Zɩɩda ne Zerizalɛɛm dãmb sẽn geen bũmb ninga kõn toog ye. M na n lub-b-la ne sʋʋga b bɛɛba taoore. M sʋʋga na n sagla sẽn dat n yãk-b bãmb yõora nusẽ. M na n basa b yĩnsã ne yĩngr luiili la we-rũmsi.

⁸ M na n bas tẽnga t'a lebg raboogo; f sẽn yãend tẽnga fãa dẽnd f kelem a kʋʋre. F sã n ta a pʋgẽ fãa dẽnd f wẽ siri, dẽnd f pɛleng yɩke.

⁹ Ad bɛɛb sẽn ka be sugri na n wa gũbga tẽngã. Tẽnga rãmb yɩɩre la b nimbãanega na n looga toogo, tẽnga rãmb na n kong n wãba b kamb nemdo la b lɛɛg n wãbd taaba.

¹⁰ Zeremi, fo na n wãaga yʋʋrã neb niyns sẽn yãag-b fooma nifẽ, la fo na n yeel-b lame:

¹¹ Ad maam, Naaba-Wẽnde, dũni fãa Soaala, na n wãa tẽn-kãnga ne a nebã, wala b sẽn wãad yagd yʋʋre tɩ tɩɩm ka le beẽ ye. B na n muma neba Tofɛt, vɩʋʋg kaalem yĩnga.

¹² M na n maana ne zĩ-kãnga la ne a neba wa m sẽn maan ne Tofɛt.

¹³ Zerizalɛɛm yiya, la Zɩɩda nanamsa yiya, na n lebga yi-yoodo, zĩ-põosgo wala Tofɛt zĩiga. Na n yɩɩ boto tɩ do-kãsensa fãa zutu, b wisa tɩdare yĩngri ãdsa yĩnga, la b basa rãam tẽn-taas wẽn-naands yĩnga.

¹⁴ A Zeremi yii Tofɛt, Soaala-Wẽnd sẽn da tʋm-a zĩig ninga, t'a tɩ togs b koɛɛgã. A sẽn lɛɛg n wa, a yaasa wẽnd dooga taoore, n zẽk a koɛɛga n yeel neba fãa:

¹⁵ «Ad Yĩngr Soaba, a Israyɛl Wẽnnaam, gomde: Ade, yel-tood buud toor-toore la m kãab tẽn-kãnga ne a yagse, m na n waa ne-ba b fãa zutu, tɩ bala b tuda maam b kãare la b yeelame tɩ b kõn kelg mam goama ye.»