Zakari 10 - SEBR SÕNGO

Bõs-y Soaala

¹ Kos-y Soaala-Wẽnd sa-koom; saaga yaa bãmb nug kũuni. Kos-y tɩ b na kɩt t'a ni wʋsgo tɩ ned kam fãa pʋʋg bĩm ne koodo.

² Y sokda y wẽn-naandsa saaga poorẽ la yaa zirẽ bal la b leokd-y. Bagba me ka tar pʋg ye, yaa b sẽn gãand n zãms la b wilgda, n togsd zirẽ-beedo, n kɩt tɩ neba tuumnẽ wa piisi sẽn ka tar pe-kɩɩma.

Fãagr kãabgo

³ M sũur puuga ne pe-kɩɩm sãamsã. B yetame tɩ b tõe n gesa m buuda yelle; dẽ me la m na n yik ne-ba. N-ye! Maam n yete, maam, dũni fãa Soaalã, yaa m meng m toore n na n ges m bãgra yelle, maam n na n ges a Zɩɩda yelle. M na n tall-a lame n kẽng zabre wa weef sẽn sõngd-m tɩ m maand raoodo.

⁴ Yaa yẽ nengẽ la m na n yiis nanams buud toor-toore. B na yɩɩ kegems wa kug niyns sẽn tar n tʋɩɩsd roto, kẽnkẽ wa baaf ning b sẽn loet pɛɛl roog, dɩm-dɩm wa zabr tãpo.

⁵ B fãa na n yɩɩ gãndaado, n tabd b bɛɛba wala b sẽn tagd tom sor zugu. B na n zabame tɩ maam, b Soaala, bee ne bãmba la sẽn zao-b wiidi na n yãee yãnde.

⁶ M paasa a Zɩɩda pãnga, m na n fãaga a Israyɛl. M na n le talla a kambã n wa b tẽngẽ la m na n wilg-b-la m nonglem wala m zɩ n bas-b ye. M yaa Wẽnnaam, bãmb Soaala, la m na n deega b kosgo.

⁷ Efrayim neba na n yɩɩ wa tãb-biisi sẽn tar pãnga la sẽn pid ne sũ-noogo wa neb sẽn tɩg rãam. B kamba na n yãee rẽ b me kɩdem, Soaala yĩnga, b na n pida ne sũ-noogo.

⁸ M na n boola m buudã n le tigim-a; m yeelame tɩ m na n fãag-a lame. B na n le yɩɩ ka tɛk wa pĩnda.

⁹ M sẽeg-b-la bu-zẽmb sʋka la b sẽn zãag n tɩ be zĩig ning fãa, b na tẽeg m yelle, b na rog kamb be la b na le lɛɛg n wa.

¹⁰ M na n yiis-b-la Ezipt la Asʋr tẽnga, n tall-ba n wa tigs Galaad la Libã la vɩʋʋg ka na n sek-b ye.

¹¹ B na n dʋʋga mogrã ne rabeem la maam, b Soaala, m na sigs ko-wiisã. Nil kʋɩlg na n kʋɩɩme. Asʋr wilg-m-menga na n sɛɛme b na n deega Ezipt naam dasaare.

¹² M na n paasa m buuda pãnga. Wakat fãa a na n maana sẽn tat m yam. Yaa maam n togsd rẽ, maam, Naaba-Wẽnde.