Yikri 20 - SEBR SÕNGO

Wẽnnaam noya

¹ Wẽnnaam yeela a Israyɛl woto:

² «Yaa maam, f Soaala, n yiis foo Ezipt tẽnga, f yembd tẽnga.

³ Da lʋɩɩs wẽnd ba a ye m taoor ye, da waoog wẽnd a to.

⁴ Da mams bũmb ba a ye wẽneg n waoog-a ye: a ra yɩ yĩngri, saag zug bũmb ye, a ra yɩ tẽng zug ka bũmb ye, a ra yɩ koomẽ, mogra pʋgẽ bũmb ye.

⁵ Ra wõgemd bũmb sẽn dõog bɩ sẽn pees taoor ye, da waoog-a ye, tɩ maam, Naaba-Wẽnd la f Soaala. F Wẽnda yaa sũ-ki-neda, b pa rat tɩ b nong bũmb n yɩɩg bãmb ye. B sɩbgda kamb b ba rãmb beegr yĩnga, n sɩbgd yageng a yaab rãmb beegr yĩnga, n sɩbgd yagen-tʋbra-kẽega a yaab rãmb sẽn tugd beem ne maam yĩnga.

⁶ M nonglma yaool n pʋgda neb ka tɛka sẽn nong-m la sẽn deegd m noya.

⁷ Da pʋd Soaala, f Wẽnnaama, yʋʋr yaar ye, tɩ b yʋʋra sã n pʋd yaare, b ka tõe n ka sɩbg ye.

⁸ Tẽeg vʋʋsg daar noor n deeg-a wa noor sẽn ka tõe n kɩɩs ye.

⁹ Dasem a yoob pʋgẽ, tʋm f tʋʋmde.

¹⁰ La daar a yopoe daarã na n yɩɩ vʋʋsg daare, Wẽnnaam yĩnga. Badaare ned ba a ye ka tʋmd ye, f menga wala f f bi-ribla, f bi-pugla, f dakõore, f zak bi-pugla, f rũmsi, sãan sẽn waa n nok-fo.

¹¹ Yɩɩ dasem a yoob pʋgẽ la Wẽnnaam naan yĩngr la tẽnga, la mogre la bũmb niyns fãa sẽn be b pʋgẽ. B vʋʋsa daar a yopoe soaba, yaa rẽ yĩng la Wẽnnaam ning ra-kãng barka, n welg-a toore t'a ya vʋʋsg daare.

¹² Waoog f ba la f ma, tɩ Soaala, f Wẽnnaam, paas raarã b sẽn kõ-f, tẽng zugu ka.

¹³ Da kʋ ned ye.

¹⁴ Da yo ye.

¹⁵ Da zuk ye.

¹⁶ Da rõd f to ye.

¹⁷ Da tʋlg f to yir ye, da tʋlg f to pag ye, da tʋlg a dakõor ye, a zak bi-pugl ye, a naafo, a bõanga, da tʋlg bũmb ba a ye a sẽn so ye.»

¹⁸ Sa-tãsã, sa-yãgbã, baorga bʋʋrã la tãngã sẽn nukd bug-zõosã kẽesa neba rabeem tɩ b na n leb poorẽ.

¹⁹ La b yeela a Moyiiz: «Fo gom ne do tɩ d na wʋme la Wẽnd da gom ne d ye, tɩ ka rẽ d na n kiime.»

²⁰ A Moyiiz leok-b lame: «Bas-y rabeem buud fãa, Wẽnnaam waame n na n bãng bũmb ning sẽn be y sũurẽ; b waa n kẽes-y la rabeem tɩ rabeema zãag-y ne wẽnga.»

²¹ Neba paa yɩɩga. A Moyiiz bal n da kolg sawadg taokã, Wẽnnaam sẽn da beẽ wã.

Zooda noya

²² Soaala-Wẽnd yeela a Moyiiz: «Togs Israyɛl kamba woto: Y mens yãeeme tɩ m zĩnda yĩngr n gom ne yãmba.

²³ Ad-y m pa rat tɩ y ges-m wa wẽnd sẽn dõog ne wanzurf bɩ ne sãnem ye. M da yãend b buud y nengẽ ye.

²⁴ F na n dɩka tãndo n me maan-kugri, la yaa yẽ zug la f na n yãk rũms kẽere, bɛd bɩ bõonese, n kʋ yũ-noog maando n yãk kẽere, bɛd bɩ bõonese, n kʋʋ n dɩ, f zak rãmba laafi yĩnga. Zĩig ning fãa m sẽn na n yãk tɩ yɩ m waoogr zĩiga, m na sig be la m na ning-f barka.

²⁵ Sã n ya kug la f rɩkd n na n me maan-kugrã, da pees-b ye tɩ fo sã n pees b ne kutu, peesga yãkda b barka.

²⁶ Da ning maan-kugra teeds ye tɩ f sã n zẽkd f nao n na n dʋ, bɩ f fuuga me ra wa zẽk tɩ loog ye.»