Yɩɩn‑sõamyã 96 - SEBR SÕNGO

B rɩta naam ne zemsgo. Naam kilsgu

¹ Yɩɩl-y yɩɩn-paal Soaala yĩnga, Tẽnga gilli, yɩɩl-y Soaala yĩnga

² yɩɩl-y n pẽg b yʋʋre! Moon-y b fãagra rũnna la beoogo.

³ Ypk-y b ziira bu-zẽmba yĩnga, wilg-y Adem kamba b sẽn maan bõn-bãn niynsã.

⁴ Wẽnd yaa nin-kãsenga tɩ b pẽgdba me ya ka tɛka. B kẽesda rabeem la b yɩɩda wẽn-naandsa fãa.

⁵ Bu-zẽmba wẽnd dãmba fãa: sobgo. Tõnd Soaala n naan yĩngr teedã.

⁶ B nenga yãgda ne ziiri, la b rooga pida ne pãng la naam.

⁷ Kils-y Soaala, Adem biisi, Kils-y Soaala ziir la b pãnga.

⁸ Kils-y n pẽg b yʋʋrã. Wa-y ne y kũuna, ta-y sɩmannẽ.

⁹ Wõgemd-y tẽnga, Soaala taoore, b sõmblema sẽn wat n pukdẽ. Bɩ tẽnga gilli rig rabeem b taoore.

¹⁰ Togs-y bu-zẽmba sʋka: «Soaala yaa rĩma. Dũni wã vigla kẽnkẽ, n pa sergd zĩig ye, Wẽnd kaooda dũni wã bʋʋd ne zemsgo.»

¹¹ Bɩ yĩngr dãmba lang sũ-noogo, tɩ mogra ne a pʋgẽ teeda reeg n soke.

¹² Pʋta gill moon b tig-raaga tɩ gooda kelem sũ-noogo, Soaala taoore.

¹³ B watame n na n dɩ naam tẽnga zugu. B na n dɩɩ naam ne zemsgo, b na n gesa tẽnga yelle ne pʋ-peelem.