Yɩɩn‑sõamyã 95 - SEBR SÕNGO

Tõnd yaa Soaala rũmsi — Zãmsgo

¹ Wa-y tɩ d kaas sũ-noog Soaala yĩnga, d kils pĩiga sẽn fãagd tõndã.

² D kẽng b taoor ne bark pʋʋsgo, d bao yɩɩl n zodg noogo.

³ Soaala la Wẽnd kãsengã, bãmb la dĩm kãsenga, wẽn-naandsa sura b taoore.

⁴ Tẽnga ne sẽn sud a pʋgẽ yaa bãmb n so, n le so tãmsa ne sẽn zao-b a zug tẽnsʋka.

⁵ B soo mogrã, bãmb n naan-a, tẽn-peelma gilli b nusã n sa n yɛdg-a.

⁶ Kẽ-y! D ta n sulgi, d ta n wõgemd b taoore, d kɩ rũmd b taoor tɩ bãmb n yiis tõnd moogo.

⁷ Bãmb la tõnd Wẽnde, d buuda yaa bãmb bãgre, bãgra rũms b sẽn gũuda la tõndo. Dũnna bɩ y kegl b koɛɛga.

⁸ Da kidb-y y sũur wa zabra raar ye, wa fɛɛsga raare, we-raoogẽ wã ye.

⁹ Beenẽ y barãmb zaba ne-ma la b fɛɛs-m lame, ne b nina sẽn da ne m tʋʋma.

¹⁰ B yika m sũuri, yʋʋm pis-naas pʋgẽ. Dẽ me la m yeel yã: «Buud kãnga yam menemame, a ka mi m sẽn tũud soy niyns ye.»

¹¹ La mam me sũura puugame tɩ m wẽene: «Ayo! B kõn kẽ m vʋʋsga zĩigẽ ye!»