Yɩɩn‑sõamyã 90 - SEBR SÕNGO

SAK A NAAS SOABA Vɩɩma na n wẽneg n looga tao-tao — Sõngr kosgo

¹ Wẽnnaam ned a Moyiiz yɩɩlle. Soaala, zamaana sẽn tong taabã, yãmb maasmẽ la d waa n soonde.

² Tãmsa sẽn waa n nan ka pusi n yi, tɩ tẽnga la dũnĩ, nan ka naane, yãmb yaa Wẽnd zamaan ne zamaana.

³ Yãmb tõeeme tɩ ninsaal leb tẽng tomẽ, Yãmb n pʋs n yeele: «Adem biisi, leb-y y tomẽ!»

⁴ Ade, yãmb nifẽ, yʋʋm tusr yaa wa daare, sẽn ta n kaoose, yʋng wakat a ye.

⁵ Y menesd-b-la wala yʋng gõeem sẽn menemde, beooga sẽn vẽeg tɩ gõeema loogã, wẽnda wa moodo ne b pu-neeba.

⁶ Moog ningda a puug yibeoogo, tɩ sɛ; a zelegda sõore, la zaabre a zoe n kʋɩɩme.

⁷ Sɩda yãmb sũ-puura yɛɛs-d-la wʋsgo, tɩ y sũ-fõora wa loog ne-do.

⁸ Yãmb dɩgla d yel-wẽna y taoore n getẽ, d yel-wẽna sẽn solgã puka y nenga vẽenemẽ.

⁹ Y sũur sẽn puug ne tõndã, y looga ne tõnd vɩɩm; d kaoosg ka yɩɩd vʋʋsgo, pemsem fõogre la a lebsgo, zoe n yaa vɩɩma n looge.

¹⁰ D yʋʋma sõor yaa pisopoe, sẽn pid-b ne keglem n tat pis-nii. La rẽ fãa yõod yaa naong la pɛta, tao-tao tɩ d yɩk n loogame.

¹¹ Ãnda n tõe n bãnge y sũura sẽn fudg n ta zĩig ninga? Sẽn mi-b yãmb sũura sẽn fudg n ta zĩig ninga, yaa sẽn digd-b rabeem yãmb taoorã.

¹² Woto wã, Soaala, zãms-y tõnd d daara sõadga tɩ d yama na lebg yam zulunga.

¹³ Lɛɛg-y n wa-y yã, Soaala. Y na n le taa da-bʋre? Kʋʋg-y y raarã, zoe-y y yemsa nimbãanega!

¹⁴ Yibeoogo pids-y tõnd sũura ne y nonglem; woto d vɩɩma tõre d na kell n pa sũ-noog pʋgẽ.

¹⁵ Teem-y y sɩbgra raare tɩ lebg sũ-noog raare. Sũ-beeda yʋʋm me tek boto.

¹⁶ D datame tɩ y tʋʋm-bãna le sɩng d nifẽ d datame tɩ d yagensa bãng tɩ y ziira labsa.

¹⁷ Soaala tõnd Wẽnde, bas-y tɩ y nonglma kel n pʋg tõndo! Sõng-y tɩ d tʋʋma wom biisi la biis sẽn na naf-do.