Yɩɩn‑sõamyã 83 - SEBR SÕNGO

Zã-y-ba wala Madiã zabrẽ — Sõngr kosgo

¹ A Asaf yɩɩlle.

² Soaala, yãmb zĩi sɩɩ n pa gomda, gom-y!

³ Kelg-y y bɛɛba sẽn guglemdi, ges-y y zabd-n-taasa sẽn zẽkd b zutu.

⁴ B zemsa taab n na n tʋm y buuda wẽnga, n na n kãag y arzɛkã n looge.

⁵ B gomda woto: «Wa-y tɩ d menes b buudu, d sõng tɩ Israyɛl yʋʋr da le pʋd ye!»

⁶ Bɛɛba zemsame n sũ taaba n na n tak zabr ne yãmba.

⁷ Ad Edom la a Ismayɛl yagense, n paas a Moab ne a Agar kamba

⁸ a Geval, a Amon, a Amalɛk, Filisti la Tir dãmba.

⁹ A Asur meng waa n naag-b lame, a waa n sõnga a Lot kamba.

¹⁰ Zã-y-ba wa y sẽn maan ne Madiã rãmba, wala y sẽn maan ne a Sisera la a Yavẽ, Kisõ kʋɩl-bɛɛgẽ.

¹¹ B kʋ-b-la zãng Eyin-Dor, la b yĩnsa põnega tẽngã.

¹² B rĩm biisa wẽneg a Orɛv la a Zeev, b nanamsa fãa wẽneg a Zeva la a Salmuna!

¹³ Yaa bãmb n da gomde: «D tɩ reeg Wẽnd soolma n sooge!»

¹⁴ Bɩ y sɩlmanda wa tebg-b wa ka-fɩɩba n looge!

¹⁵ Pʋg-y-ba wa bugum sẽn kẽ googo, wala bug-walem sẽn zomb tãnga.

¹⁶ Y sob-raooga kell n wulumd ne-ba, a kell n kẽes-b rabeem pʋgẽ.

¹⁷ Bɩ yãnd yõk-ba, Soaala, tɩ b lɛɛg n wa kẽ yãmba.

¹⁸ B rigba da le sɛ ye, b yãnda ra le woog ye, tɩ b yi dũni wã ne paoore.

¹⁹ Bɩ b bãng tɩ yãmb la Soaala, la Yĩngr Wẽndã; tẽng zug ka y yaa y ye tãa!