Yɩɩn‑sõamyã 75 - SEBR SÕNGO

Tẽnga na n looga ne a nebã — Zãmsgo

¹ A Asaf yɩɩlle. Yɩɩla naab yɩɩnd-a lame t'a wẽneg: Da sãam-y ye.

² Soaala, d pẽgda yãmba; d kilsda y yʋʋrã tɩ y waa n be-la d sʋka. D datame tɩ neba tẽeg tʋʋm-bãna y sẽn tʋm d yĩnga.

³ Naaba-Wẽnd sã n bool bʋʋdo, yella welgda ne zemsgo.

⁴ Tẽnga na n looga ne a neba fãa. Ka maam a Wẽnde n yals-a a zĩigẽ laa?

⁵ M yeela sẽn wuk-b n zĩi wã: «Bas-y wilg-m-menga!» M yeela sẽn ka mi-b Wẽndã:

⁶ «Da maan-y zẽk-m-meng ye! Da nak-y y kãara woto n gomd ye!»

⁷ Y fãagra ka na n yi yaang bɩ taoor ye, a ka na n yi we-raoogẽ wã ye.

⁸ Yaa Wẽnd n so bʋʋdo, bãmb n paalgd yãoo soaba, bãmb n yiisd yãoo soab yellẽ.

⁹ Ya wamd la Soaala zãad b nugẽ, a pida ne rãam sẽn kũmi n miki; la b na n tugla tẽnga wẽn-kɩɩsdba tɩ b yũ-a n tãag bɩlle.

¹⁰ Sã n ya maam, ad-m sẽn na n yɩɩl bũmb ninga, ad-m sẽn na n yɩɩl daar fãa a Zakoob Wẽndã:

¹¹ «B na sulga nin-wẽnsa fãa zutu la b na n dooga nin-sõma wã fãa rẽnna.»