Yɩɩn‑sõamyã 73 - SEBR SÕNGO

SAK A TÃAB SOABA M bãnga b sẽn na n baas to-to — Zãmsgo

¹ A Asaf yɩɩlle. Sã n ya sɩda, Wẽnd pida ne nonglem a Israyɛl yĩnga n pid ne nonglem sũ-tɩrg soab yĩnga.

² M yaool n da sɩnga lʋɩɩse, bilf bal tɩ m taẽ tẽnga.

³ M da maanda sũ-kiiri ne sẽn tiig-ba n lebg arzɛk rãmba. M da nee nin-wẽnsa zu-noogo.

⁴ B ka mongd b meng bũmb n tãag b kũum ye, b pʋʋra maneg n zɩsgame tɩ b kẽnda,

⁵ b pa namsd wa neb a taab ye, b pa reegd toog ning sẽn lʋɩt b taab zug ye.

⁶ B kẽnda ne tɩtaam, tɩ rẽ yaab zu-zẽkre. Maan ned pãng toga ne-ba wa fuug sẽn mag n yaool n sẽ sẽn tog ne a soaba.

⁷ B arzɛka sẽn ya wʋsgã, b geta neb a taaba wa zaalem, la ned kam fãa mii b sẽn tagsd b sũurẽ.

⁸ Ad-y b laadame la b gomd ne wẽnem, la yaa tɩtaam bal la b maanda, b pa togsd sɩd ye.

⁹ B noor sã n yaage, ya Wẽnd bal la b rat n tʋʋse; b ka yãet bũmb tẽng zug ka n ka gom n yãk a zak ye.

¹⁰ Dẽ me la neba fã wẽneg n get-b la b gagd b zirẽ wã wa zom-koom.

¹¹ Ad-y nin-wẽnsa yetame: «Wẽnd kõn bãng fɩ! Sẽn zao-a yĩngrã yɩta wãn n yãende?»

¹² Nin-bãmba sɩd vɩɩ wa bũmb ka be d sẽn tog n gãd wa bõn-pakdem ye. Yel-beed ka tat-b ye, b yɛla manegdame n dabda.

¹³ Dɩlla, mam sõmblema, yaa zaalem, m mi m na kell pa ne-a? Yaa zaalem la m nus na n pek n wilg tɩ yell ka m zug bɩ?

¹⁴ M yãeta toog buud fãa beoog sẽn vẽege, yibeoog fãa sood-m-la a ko-tʋʋlga.

¹⁵ M yik n gomd wa bãmba, m kõn le wẽneg y buuda kamb ye.

¹⁶ M tagsdame n baood sẽn ya toog ne maama võore, la rẽ fãa waa n lebga m zu-loɛɛga,

¹⁷ n tãag daar ning m sẽn kẽ Soaala roogẽ; wakat kãng la m bãng yã nin-wẽnsa yɛla sẽn na n baas to-to.

¹⁸ Yãmb yalsa salse nin-wẽnsa nao tẽngre n na n tus-b tɩ b lʋɩ bẽdgẽ.

¹⁹ Ad-y nin-wẽnsa sãoonga na n yɩɩ vugr bala, vugr bal tɩ b na n lebg zaalem, vugr bal tɩ rabeem ne yɛɛsgo loog ne-ba!

²⁰ Soaala, y sã n sɩng b menesgo, ad-y na n yɩɩ wa ned sẽn zãms n neke, yɛla soy kaa n dɩkdẽ ye.

²¹ M sẽn da waa n zĩ ne sũ-pa-noanga, n zĩ ne yɩɩr la yɩɩre,

²² m da wẽnda wa yalma, n ka ne fɩ, m ra yaa wa rũnga, yãmb taoore.

²³ M yaool n da bee ne yãmb daar fãa, tɩ y zãad-m y nugẽ.

²⁴ Y sẽn wilg-m sor ninga la m vɩɩma tũuda, y zɩɩra sẽn pukẽ wã la m tees yã.

²⁵ Yĩngri, ãnda n na n wa sõng-ma sã n ka yãmba. La tẽng zug ka, m sẽn tar yãmbã, bõe la m na n tʋlg n paase?

²⁶ Kʋʋlem tõe n sɛla m yĩngã, n loog ne m daooda fãa, la m teegdã, m daoodã, m fãa-fãa wã, na n yɩɩ yãmba, Wẽnde, daar fãa yĩnga.

²⁷ Ad-y sẽn zãag-a ne yãmb baooda a kũum. Sẽn bas-a yãmb n baood bũmb a to, menemdame.

²⁸ Pa yãmb sɛɛgẽ la m sũ-noogo, Soaala, tɩ yaa yãmb sɛɛgẽ la m waa n soond la m na n tõog n moon y tʋʋm-bãna.