Yɩɩn‑sõamyã 7 - SEBR SÕNGO

Wẽnd sɛɛg yõkre

¹ A Daviid yɩɩlle. Wẽnda a sẽn yɩɩle, a sẽn seg Bẽnzame tẽng Kus raare.

² Soaala, m wat n na n soonda y nengẽ. Fãag-y maam m bɛɛba nusẽ!

³ Y ka wa, b na n kodg-m-la wa bõnyẽese, y mi tɩ b sã n bri, reegd ka ye.

⁴ Soaala-Wẽnde, m sã n maana wala n bola m nug ned zɩɩmẽ,

⁵ n zãmb m zoa, n bas m bɛ t'a põse,

⁶ bɩ m bɛ me rig-m n yõke, a me nao tab-m n kʋ, a bilim m zuga tomẽ n ning-m yãnde!

⁷ Yik yã, Soaala, puug-y y sũuri la y wõd m bɛɛbã, yals-y m sɛɛgẽ tɩ y sẽn togsa la d fãa tog n tũ.

⁸ Neb ka tɛk n gũbg yãmba, Soaala, dɩ-y naam b fãa gill zugu!

⁹ Soaala n kaood Adem biisa bʋʋdo, kao-y m bʋʋdo, Soaala, tɩ m sõmblem puki, tɩ m bãng tɩ yell ka m zug ye.

¹⁰ Da bas-y tɩ nin-wẽnsa wẽnem le kẽng taoor ye. Le pids-y nin-sõng ne raoodo! Ned ninga sẽn tara ninsaal buka, yaa yãmb bala Soaala, bʋʋd tɩrg soaba.

¹¹ Wẽnd sɛɛgẽ la m dell m gãongo bãmb n fãagd sũ-tɩrg soaba.

¹² Bʋʋd tɩrg soaba la Wẽnde, la d tog n maana rabeem beoog sẽn vẽege.

¹³ Nin-wẽng sã n ka tuubd a wẽnem, la bãmb me sẽn saasd b sʋʋga la b dõos b tãp n delle.

¹⁴ B paka b kudgu n na n kud pɛɛm la yaa pɛɛm sẽn kʋʋde, sẽn yõogd wa bug vɩlenga.

¹⁵ Wẽng rɩkda pʋga n tẽed biiga, mik fɩ ka na n dog ye.

¹⁶ F tuuda bok n maneg n zulg-a, mik fo meng n na n lʋɩ a pʋgẽ.

¹⁷ Fo sẽn da rat f to ne wẽng ningã n lɛɛgd n dɩ-fo, pãn-tõog ning f sẽn da rat n maan f taabã, pãng kãng n lɛɛgd n yẽeg-fo.

¹⁸ M kõn vʋʋs ne Soaala-Wẽnd bark pʋʋsgo tɩ b sõmblema ka be taar ye, m na kils yĩngr Soaala yʋʋre.