Yɩɩn‑sõamyã 67 - SEBR SÕNGO

Bu-zẽmba naag taab n pʋʋs barka — Bark pʋʋsgo

¹ Yɩɩla naab kɩtdame tɩ b wẽ bɛɛl la kʋnde.

² Soaala, zoe-y d nimbãanega la y ning-d barka! B togl tõnd b nenga sẽn tar yãgbã.

³ Woto, tẽng zug ka, b na bãng y soya, la bu-zẽmba mens na yãend y fãagrã.

⁴ Soaala, bɩ Adem kamba pʋʋs-y barka. Bɩ b naag taab gilli n pʋʋs yã.

⁵ Bu-zẽmba yɩɩl b sũ-noogo tɩ y zãad-b-la ne zemsgo, la tẽng zug ka bãmb n wilgd b sore.

⁶ Soaala, bɩ Adem biisa pʋʋs-y barka! Bɩ b naag taab gilli n pʋʋs yã!

⁷ Tẽnga woma a biisi, Soaala tõnd Wẽnda ningd-d-la barka.

⁸ N-ye! Bɩ Soaala-Wẽnd ning-d barka, bɩ tẽn-zãorgẽ dãmba reeg tɩ bãmb la b Soaala.