Yɩɩn‑sõamyã 48 - SEBR SÕNGO

Siõ tãng noog a sũuri — Siõ yɩɩlle

¹ A Kore kamb yɩɩlle.

² Soaala yaa nin-kãsenga tõnd Wẽnda yʋʋr sãta ne pẽgre, b tẽn-sõnga pʋga. B tãnga yaa tãn-sõngo,

³ n tar neerem, n tar zãndlem, yaa Siõ tãnga, dĩm kãsenga tẽngẽ.

⁴ Wẽnd nif karda a lal-gũbrã, yẽ la b tãnsoben-doogo.

⁵ Dĩm dãmb n da waa n yik n sũ taaba n na n tak zabr ne Siõ,

⁶ la b sẽn yãend Soaala bala, rabeem yõk-b lame, b sẽn yɛɛse, b lɛɛg n zoeeme.

⁷ Vugr bala b sɩnga rigbu, vugr bala waood kẽ-b lame waood wa pag sẽn kũmd dogem.

⁸ Yɩɩ vugr bala wa yaang sobg sẽn wegsd koom-kogendo.

⁹ D sẽn yãend ne d nifu, dũni fãa Soaala tẽngẽ, d Wẽnnaama tẽngẽ, wẽnega b sẽn da togsd tɩ d kelgdẽ. Ne bãmb tõogo a ket yɛsa yĩngri.

¹⁰ Soaala, d sẽn be y ro-sõnga pʋga, d le rɩta y nonglma kaseto.

¹¹ Al dũni wã sɛtmẽ b mii yãmba, al dũni wã sɛtmẽ b pẽgda yãmba. Y rɩtg pida ne kũuni tɩ y saad n pʋɩta.

¹² Bɩ Siõ tãnga zug rãmb kɩdem sũ-noogo, tɩ Zɩɩda tẽnsa noog b sũuri, ne y sẽn kaood y bʋʋda seem ninga.

¹³ Bɩ y tong taaba n gilg Siõ tãngã, bɩ y sõd b ro-lug-lugã.

¹⁴ Ges-y lal-gũbrã, ges-y b keglem; woto y na tõog n togs zamaan ning sẽn watã,

¹⁵ t'a bãng tɩ Wẽnd kãng la tõnd Wẽnde, dũnna la beoogo, bãmb nug n zãad tõndo.