Yɩɩn‑sõamyã 37 - SEBR SÕNGO

Nin-wẽng yelle, bãng-a n bake

¹ A Daviid yɩɩlle. Da nams-y n puug y sũur ne nin-wẽnsa ye. Da maan sũ-kiiri b nuga sẽn zãada yĩng ye.

² Ad-y b na n wẽneg n zelga wa moogo, vã-maasa na n wẽneg n kʋɩɩme.

³ Teeg-y Wẽnd bala la y maan neere, woto la y paad tẽngã n vɩ ne laafi.

⁴ Sõng tɩ Wẽnd yɩ f sũ-noogo, bãmb n na n pids f sũura raab zãnga.

⁵ Wẽnemd f neng n tees Wẽnde, teeg bãmba tɩ f tẽeb na pidsi.

⁶ B sõmblem na puk wa sõore, tɩ f bʋʋma me puk wa wĩntoogo.

⁷ Yaas sɩɩ Soaala sɛɛgẽ la teeg bãmba, Da maan sũ-kiir ne ned ninga nug sẽn zãad ye, maan gũusg ne zãmb soaba.

⁸ Bas sũ-puuri, bas sũ-fõore, da widg wa bugum tɩ rẽ ka baasd neer ye.

⁹ Nin-wẽnsa na n wa võo raar a ye. Sẽn gũud-b Soaala n na n wa soog tẽngã.

¹⁰ Keta bilf bala tɩ nin-wẽng yãeebo wa lebg toogo. Fo tata a zĩigẽ la f kõn yãend fɩ.

¹¹ Sulg-m-meng rãmba n na n soog tẽngã. B sẽn na n tɩg yaa laafi la laafi.

¹² Nin-wẽng baooda zabr ne nin-sõngo, n tol n tugd beem ne-a.

¹³ Dẽ me la Wẽnd pusg laado, tɩ b zoe n nela b wãaba sõor sẽn pukdi.

¹⁴ Naongo soaba, a ka-neng-soaba la b rat n tus n lubi, sẽn ket n kẽnda tɩrg la b rat n kodge, dẽ la nin-wẽnsa wõogd b sʋʋse la b rõosd b tãbdo.

¹⁵ Ad-y b sʋʋsa na n lɛɛg n kõsa b sũuri tɩ b tãbda lɛɛg n kao zãnga.

¹⁶ Nin-sõng sẽn tar bilfã n são wẽn kɩɩsdb ka tɛk arzɛka.

¹⁷ Wẽn-kɩɩsdba kams pãng na n sɛɛme, la Wẽnd n ket n ya nin-sõma wã sõangda.

¹⁸ Wẽnd sõda nin-sõma wã yʋʋma, b buuda ka buud sẽn na n tol n sɛ ye.

¹⁹ Ra beeda yʋʋmde, bũmb kõn paoog-b ye, koma yʋʋmde na kell n yɩ tɩgr yʋʋmde.

²⁰ Nin-wẽnsa na n wãame, Soaala bɛɛba na n wẽnega pʋt moogo, b na n dɩɩ n looga wala bug-zõose.

²¹ Nin-wẽng ka pengd n lebs ye, tɩ nin-sõng kũmd nimbãaneg n kõt zaalem.

²² N-ye, Wẽnd sẽn ning b rãmb bark n na n soog tẽngã, la sẽn ka paam-b bãmb barka na n loogame.

²³ Wẽnd sẽn zẽkd a soab naoor ka tabd n yõsd ye la a kẽna tata b yam.

²⁴ A sã n lak me a ka lʋɩt ye tɩ Wẽnd kokd-a-la ne b nusi.

²⁵ M yɩɩ yãaga, n wa kʋʋle, la m zɩ n yãend Wẽnd sẽn bas nin-sõng ye, m zɩ n yãend a buud ne bõs-wamd ye.

²⁶ Beoog sẽn vẽege nin-sõng kũmda nimbãanega n yãet n pengdẽ, la a buud na paam Wẽnd barka.

²⁷ Bas wẽnga, maan neere, tɩ f roog kõn tol n sirg ye.

²⁸ Soaala nonga sẽn ya tɩrga b ka basd b zo-rãmba, b bee ne b raar fãa, n yaool n na n menes nin-wẽnsa zãnga.

²⁹ Nin-sõma wã n na n soog tẽngã, la bãmb n na n paa a pʋgẽ daar fãa.

³⁰ Nin-sõng sã n zĩẽ yaa Wẽnd tʋʋm sõma wã la a noor bilgd n gomda, la a zelemd zãmsd a taab sẽn toge.

³¹ A Wẽnnaama noor be-la a sũurẽ a ka mi kẽnd n lagsdẽ ye.

³² Nin-wẽns baooda nin-sõngo, b baood n na n paam-a lame n kʋ;

³³ la Soaala ka basd-a bãmb nugẽ ye, b ka basd tɩ b bʋ-a n paalg-a bʋʋd ye.

³⁴ Gũ-y Soaala la rɩk-y b sorã, tɩ b na rɩk tẽngã n kõ yã, la b na n deng n diga nin-wẽnsa zãnga.

³⁵ M yãee nin-wẽng t'a maand pãn-tõogo, n yik n tão vugr bala wa tɩɩga, wa kos-zĩig-n-yãmb-zãnga.

³⁶ La ade, a loogame n ka bas buk ye, m bao-a lame la m pa le yãend-a ye.

³⁷ Ges-y nin-sõngo, ges-y sẽn kẽnd-a tɩrga ad-y sẽn nong-b laafi wã rãmb buudu zɩ n yɩ yõ-koees buud ye.

³⁸ Sã n yaool n ya nin-wẽnsa buudu, ad-y b naagda zãng n menem, b buuda võogda vugr n looge.

³⁹ Nin-sõma wã fãagr yita Soaala nengẽ, Yel-pakr daare bãmb la b tãnsoben-doogo.

⁴⁰ Soaala sõngd-b lame la b fãagd-b lame. B reegd-b-la nin-wẽnsa nusẽ, n kõ-b laafi tɩ b bãngame n wa soond bãmba.