Yɩɩn‑sõamyã 26 - SEBR SÕNGO

Wẽnd boolgo, Wẽnd pʋgbo

¹ Yaa a Daviid yɩɩlle. Kõ-y maam bʋʋm, Soaala, m teega yãmb zãnga la m kẽnd yaa tɩrga!

² Fɛɛs-y-ma, Soaala, ges-y m neng la m poore, pãrg-y m pʋga ne m sũurã.

³ M ne y sẽn ket n pʋgd-m ne nonglem ninga, m vɩɩnda wala y sẽn wilg-ma.

⁴ M pa saag n kẽ zirẽ-be-rãmb zakẽ ye, m pa sõs ne ninsaan-kazukem ye.

⁵ Nin-wẽnsa n lebg m bɛɛba, bãmb ne wẽn-kɩɩsdba sʋka, m pa saag n zĩnd ye.

⁶ M peka m nusi n na n kõ kaset tɩ yell goaleng ka m zug ye. M dat n kolga y maan-kugrã,

⁷ ne m bark pʋʋsg yɩɩla la m kilsd y tʋʋm sõma wã.

⁸ M nonga y ro-sõngã, yẽ pʋgẽ la yãmb yʋʋra zẽk yã.

⁹ Welg-y-m toore ne yel-wen-maandba, da rɩk-y-m n fãoog ne nin-kʋʋdba ye.

¹⁰ B sɩɩsa rẽgma zãnga, b reega ligd n na n tʋm beedo.

¹¹ M vɩɩma yaa tɩrga, la zoe-y m nimbãanega, n fãag-ma.

¹² M naoor paama zĩ-sõngo tɩ m teeg n yɛsẽ, Soaala, m tara y pẽgr kʋʋnga sʋka.