Yɩɩn‑sõamyã 17 - SEBR SÕNGO

Gũ-y maam, Soaala — Sõngr kosgo

¹ A Daviid pʋʋsgo. Maan-y-m neere, Soaala, n kelg m pʋʋsgo, yoog-y y tʋb n wʋm m waasgo kelg-y m kosgo, ka zirẽ-be-ned kosg ye.

² Ges-y-m ne neng sẽn mi sugri ges-y-m ne bʋʋd tɩrg nini!

³ Soaala, yãmb tɩga m sũurã, yʋng tõre y sogs-m lame, y fɛɛs-m lame n ka yãend fɩ ye, sẽn wa m yamẽ ka yi m noorẽ ye.

⁴ La rẽ yaa m sẽn tʋlg n wẽneg ned sẽn deegd y noor sẽn togse, la m tũu sor ning y sẽn wilgi.

⁵ Y naoor sẽn tabgẽ la m me sẽn sagl m nao, dẽ me la m pa lak bũmb ye.

⁶ M boond-y lame, Soaala, la m miime tɩ y na n leokame. Wʋm-y m koɛɛga la reeg-y m kosgo.

⁷ Soaala, sẽn waa n soonda yãmba, ka paad a bɛɛb nusẽ ye, tɩ y pʋgd-a-la ne y nonglem, y rɩtgã n na n wa ne a fãagre.

⁸ Gũ-y maam tɩ m zoeta toog wa fãa-fãa n zoet toog wa nin-beelle, solg-y maam y fãagra maasmẽ,

⁹ n tall-m n zãag ne m laoga zɛɛdba, zãag-y-m ne bɛɛba sẽn gũbg maama.

¹⁰ B pida ne wakre, n kẽnda; tɩtaam goam bal la b yiisd b noorẽ.

¹¹ Ges-y b sẽn lagsd m nao, ges-y b sẽn zoe n gũbg-ma; b baood n n na n tebg-m lame n fabge.

¹² B wẽnda gigma, n baood n na n yĩigi, n wẽnd we-rũng sẽn sor tʋgrẽ.

¹³ Yik-y yã, Soaala, seg-y bɛ wã, tõog-y bɛ wã! Wa-y ne y sʋʋga n fãag-ma!

¹⁴ Pĩng-y-b ne y nugu n yiis ninsaalb sʋka, yiis-b nin-vɩɩs sʋka, dũni wã pʋga! Boto n tog n yɩ b pʋɩɩra tẽng zug ka. Modg-y tɩ b reeg sɩbgr ning y sẽn bĩng-bã. Sek-ba la sek b kamba, tɩ b kees n bĩng b yagense.

¹⁵ Wala sẽn yẽs n dɩgle, mam yẽ na yãend y nenga. M nin sẽn puk fãa, y nenga bal la m tar gesgo.