Yɩɩn‑sõamyã 148 - SEBR SÕNGO

Pẽg-y-ba, wĩntoog la kiuugu — Pẽgre

¹ Wẽnd soog pẽgre! Soaala paam pẽgr al yĩngri! Sẽn be-b yĩngrã tall Soaala pẽgre!

² Pẽg-y-ba malɛgse, pẽg-y-ba yĩngr tãb-biisi!

³ Wĩntoog la kiuugu, ãdsa fãa sẽn yãgdã,

⁴ yĩngr wen-vɩʋʋgã, sawata poorẽ-poorẽ ko-yũusã,

⁵ fãa naag taaba n pẽg Soaala, tɩ tũu ne Wẽnd gomd bala tɩ fãa wa beẽ.

⁶ B yalsa ned kam fãa a zĩigẽ zamaan fãa yĩnga, n wilg ned kam fãa sor sẽn ka tar badga.

⁷ Tẽng zug rãmba pẽg Soaala, mogra ne a pʋgẽ wag-bãna,

⁸ la yãmb me, bugum la sapɩlem, koom sẽn gĩs n yɛsẽ la wulgu, sob-raad sẽn vũud Wẽnd nug sẽn teesẽ.

⁹ Pẽg-y-ba, tãmse la kunkuba, pẽg-y-ba ne y biisã, moog tɩ-noodo, pẽg-y-ba, kʋgse ne y woglem la y maasem,

¹⁰ pẽg-y-ba, yir la weoog rũmsi, luiili la wiisi,

¹¹ pẽg-y-ba, tẽnga dĩm dãmba ne b soolem, pẽg-y-ba, na-komse la dũni soaalba,

¹² pẽg-y-ba, kom-dibli la kom-pugli yãas la nin-kẽemse.

¹³ B pẽg b yʋʋre tɩ b yɩɩda fãa ne ziiri, b ziira pida yĩngr la tẽnga.

¹⁴ Bãmb n pids b neba ne raoodo, bãmb me la Israyɛl kamb pẽgda; yaa buud sõnga kamb la bãmba. Wẽnd soog pẽgre!