Yɩɩn‑sõamyã 13 - SEBR SÕNGO

Da yĩm-y m yell ye Soaala — Sõngr kosgo

¹ Yaa a Daviid yɩɩlle; a bee yɩɩla naab sebrẽ.

² Soaala, nan n yaa n taa da-bʋre? Y na n yĩma m yell zãng laa? Y na n solg-m-la y nengã n ta da-bʋre?

³ Y na n bas-m lame tɩ m zĩ ne sũ-sãang la m bʋʋd ne m menga beoog sẽn vẽege, n ta da-bʋre? M bɛɛba na n zao n kutame n ta da-bʋre?

⁴ Ges-y tɩ m paam leokre, Soaala-Wẽnde! Bɩ y kell n bas y vẽenema t'a tʋʋs m nina ka rẽ yaa m kũuma gãag la m na n gãande;

⁵ la bɛ wã na paam n yeele: «M tõog-a lame!» M lʋɩsa na noog m bɛɛb sũuri.

⁶ M sẽn mi tɩ y kãabga ka vaandã m saagda y fãagr m sũurẽ, la m sɩnga bark pʋʋsgo, y yel-sõmda yĩnga.