Yɩɩn‑sõamyã 128 - SEBR SÕNGO

Ãnda la zu-noog soaba? Zãmsgo

¹ Gilgra kẽna yɩɩla. Zu-noog rãmba la sẽn zoet-b Soaala n tũud b sora neere.

² Fo sã n dɩt f tʋʋmda yõodo, zu-noog soaba la foom, sũ-noog soab la foom!

³ F pag wẽnda bugsuntung womdga f sẽn sel f zak pʋga. F kamba wẽnda oliviye tɩ poala sẽn tão n gũbg-fu.

⁴ Yaa woto la Wẽnd barka sigd ned ning fãa sẽn ya-a wẽn-tũuda.

⁵ Bɩ Soaala zĩnd Siõ do-sõngã n sik b barka, tɩ f paam n yãend Zerizalɛɛm ne a neerma f vɩɩma pʋgẽ, beoog sẽn vẽeg fãa.

⁶ Wẽnd na kɩt tɩ f yãend f yagense! Wẽnd na zĩndga a Israyɛl ne laafi!