Yɩɩn‑sõamyã 126 - SEBR SÕNGO

Sẽn bʋt-a la a yãbd-a — Wẽnd teegre

¹ Gilgra kẽna yɩɩla. Bũmb sẽn wẽneg zãmsdo d yĩnga, yɩɩ Soaala sẽn lɛɛg n wa Siõ ne pa-wetã.

² Da lebga sũ-noog la laad bala. Bu-zẽmba mens ra gomdame: «Ad Wẽnd maan-b-la neer wʋsgo!»

³ Wẽnd sɩd maan-d-la neer wʋsgo, la d da pida ne sũ-noogo.

⁴ Soaala, le tek-y d vɩɩma yɛs n kõ-do, a le pid vugr bala wala Negɛb kʋɩlse.

⁵ Sẽn da bʋt-a la a yãbd-a kẽebdame la a laadẽ.

⁶ A ra yita ne bõn-buudu n kẽnd la a yãbda. Ad-a sẽn lebg n wat ne kals paala t'a sũur tosd kaam.