Yɩɩn‑sõamyã 125 - SEBR SÕNGO

Wilg-y y nonglem — Wẽnd teegre

¹ Gilgr kẽna yɩɩla. Neb niyns sẽn teeg-b Wẽnde wẽnda Siõ tãnga sẽn yɛs a zĩ yɛng ne keglem, la daar buud fãa yĩnga.

² Tãms n gũbg Zerizalɛɛm, Soaala me gũbga b kamba la rẽ yaa sɩd rũnna la beoogo.

³ Na-yook kõn dɩ naam be lɛlɛ, a kõn dɩ naam Wẽnd kamba zug ye, n wa zãms a soolma kamb wẽng ye.

⁴ Soaala, wilg-y y nonglma ne neb niyns sẽn ya-b sõma la sẽn kẽnd-b tɩrga.

⁵ Sẽn tũud-b so-wẽnse la sẽn baood-b taab bõne, pĩng-y-ba n yiisi, Soaala. Kõ-y y buud a Israyɛl laafi!