Yɩɩn‑sõamyã 122 - SEBR SÕNGO

Zerizalɛɛm mee neere — Siõ yɩɩlle

¹ A Daviid yɩɩlle. Gilgra kẽn yɩɩla. M sũur kiuusa ne sũ-noogo b sẽn waa n yeel-ma: «D kẽng Soaala zakẽ!»

² D yaa n paam n ta-la f tẽn-peelmẽ, Zerizalɛɛm.

³ Zerizalɛɛm tẽnga meeb be neere, b zẽka a lalsã n gilgi.

⁴ Yaa Zerizalɛɛm la Israyɛl kamb wata yaa be la Wẽnd kamba kẽeda. B wata wa noora sẽn yals buuda yĩnga, n na n pẽg b Soaala.

⁵ Yaa Zerizalɛɛm la a Daviid vigl a naam zaoore, be la a biiga zĩ n kaood bʋʋdo.

⁶ Kos-y laafi Zerizalɛɛm yĩnga! Bɩ sẽn nong-b Zerizalɛɛm vɩɩnd a pʋgẽ ne laafi.

⁷ Bɩ laafi zĩnd a pʋgẽ, n zĩnd a ro-neeba pʋsẽ.

⁸ Laafi la m kot f yĩnga, Zerizalɛɛm. M saam-biisi la m tũud-n-taasa yĩnga,

⁹ Soaala tõnd Wẽnda rooga yĩnga, yaa laafi bal la m kot f yĩnga, Zerizalɛɛm!