Yɩɩn‑sõamyã 115 - SEBR SÕNGO

Israyɛl kamba, teeg-y Soaala — Pẽgre

¹ Ka tõnd n na n soog pẽgr ye, ayo! Ka tõnd ye, yaa yãmb yʋʋrã, tɩ y nonga tõndo, tɩ y kãabga ka vaanẽ ye.

² Yaa bõe tɩ bu-zẽmba gomda: «A Israyɛl Wẽnnaama bɛɛ?»

³ Tõnd Wẽnda zao yĩngri, b maanda b sẽn dat fãa.

⁴ Sã n ya bu-zẽmbã, b wẽnd dãmba yaa wanzurf la sãnem, fãa yaa ninsaal nug tʋʋmde.

⁵ B tara noore la b pa gomd ye, n tar nini la b pa ne ye.

⁶ B tara tʋba la b pa wʋmd ye, n tar yõore la b pa kokd yũug ye.

⁷ B tara nusi la b ka tõe n sɩɩs bũmb ye, b tara nao la b pa lukd b zĩigẽ ye, gomd buud ka yit b kokorẽ ye.

⁸ Bãmb ne sẽn naan b bãmba zem taaba, bãmb ne sẽn teeg-b bãmba pa são to ye!

⁹ Israyɛl kamba teeg-y Soaala, bãmb la y sõangda la y gãongo.

¹⁰ Aarõ roogo, teeg-y Soaala, bãmb la y sõangda la y gãongo.

¹¹ Yãmb fãa sẽn zoet Soaala, teeg-y bãmba, bãmb la y sõangda la y gãongo!

¹² Wẽnd ket n tẽra y yelle, b na ning-y barka, b na ning a Israyɛl buud barka, n ning a Aarõ buud barka.

¹³ B na ning Wẽnd kẽed-paalsa barka, nin-bõoneg wala nin-bɛda!

¹⁴ Bɩ Wẽnd paas y kamb sõore, n paas y yagensa me sõore!

¹⁵ Bɩ Wẽnd ning-y barka, bãmb n naan yĩngr la tẽnga.

¹⁶ Yĩngrã Wẽnd bas-a-la b meng yĩnga, la b rɩka tẽngã n kõ ninsaalba.

¹⁷ Ka sẽn ki-ba n pẽgd Wẽnd ye, bãmb sigda noor kõn le tõog n yaag zĩigẽ.

¹⁸ Sã n ya tõndo, tõnd kilsda bãmba marsã la wakat buud fãa. Wẽnd soog pẽgre!