Yelbũna 31 - SEBR SÕNGO

A LEMUWƐL YELBŨNA Dĩm a Lemuwɛl

¹ Woto yaa yelbũna Maasa dĩma, a Lemuwɛl, sẽn zãms a ma nengẽ:

² M biiga, m bi-nongre, biig m sẽn tʋlg ne m sũur fãa!

³ Da sɛɛs f pãng ne pagb ye, da rɩk f menga n bas ne sẽn wãada dĩm dãmb ye.

⁴ Bũmb sẽn ka segd ne dĩma, Lemuwɛl, bũmb sẽn ka segd wa fãa-fãa, yaa rãam yũubu; ka segd tɩ dĩm-bi wã nong toos ye.

⁵ B wat n yũume n yĩm noy niynsi sẽn yalse, b wat n tudgame tɩ nin-koam fãa paad bʋʋd zĩigẽ.

⁶ B bao rã-toose n kõ sẽn dɩk b kũum sore, b bao rãam n kõ sẽn zĩ-a ne sũ-toogo,

⁷ t'a yũ n kiis a yɩɩre, n yĩma a sũ-sãanga.

⁸ Yaag f noore n gom muk zĩigẽ, yaag f noore n sõng sẽn ka tar-a sõangda.

⁹ Yaag noore n kao bʋʋd sẽn ya tɩrse, n kao nimbãan-dãmba la naong rãmb bʋʋdo.

PƲG-SÕNG KIBARE Pʋg-sõng pẽgre (A n ta Z)

¹⁰ *Ad tõog n yãend pag sẽn pid pag yaa toogo; a bee yamleogo n yɩɩd muizãan neeba fãa.

¹¹ *Bɩ a sɩd teeg-a zãng zãnga, bɩ a sɩd dɩ a yõodo.

¹² *Ka sũ-sãang la a na n seg ye, na n yɩɩ sũ-noog beoog sẽn vẽege.

¹³ *Dɩk gendre n wĩ lamdo, dĩng beren-dɩgre bɩ pe-kõbd gĩsi la a tʋʋmde, la tʋʋmda tʋmda ne minim.

¹⁴ *Ey! Ad-y yaa nanamsa dɩ-noodã la a na n segl n kõ a zak rãmba. Yaa wa pʋg-sõnga paama koom kogend n zɩlgd a koodã n watẽ.

¹⁵ *Fooda kallã tɩ zĩig nan pa yẽeg ye, n segl dɩɩbo a zak rãmb yĩnga, n wilg a roog kamba fãa b tʋʋmde.

¹⁶ *Gese, a wa n tʋlga pʋʋgo la a ra-a lame; a yiisa a meng ligdi, n kɩt tɩ b sel tɩɩse.

¹⁷ *Israyɛl bi-pugla sẽbga a kalle, a wilga a nug pãnga.

¹⁸ *La a sẽn ne a tʋʋmda yõodã, beoog vẽegdame t'a fitil yaool n kiisi.

¹⁹ *Ma sõnga yãenda sõore n dɩka a gendre, n sɩng wĩibu.

²⁰ *Naong rãmba yĩnga, a puka a nusi n kõ rɩɩbo; a tuda a nug nimbãan-dãmba.

²¹ *Õ-õ! A zak rãmb kõn dig waood ye, ned kam fãa yera fut a yiib-yiibu.

²² *Pʋg-sõnga wʋga fu-gobse a meng yĩnga, a yera gormuska la nufa.

²³ *Rao a ye la b sõt tẽnga nin-bɛd sʋka, yaa a sɩdã la a zug zẽkame.

²⁴ *Sẽbdse la paga le wʋgd n koosdẽ, n paas peen neeb buud toor-toore.

²⁵ *Tɩgr la a kẽes a zakẽ, dabeem ka beoog yĩng ye, la a yeelga pãng la ziir n kẽnda.

²⁶ *Ur daoã yagenga yaagda a noor ne gũusgu, a zelemda goama yaa sõmblem goama.

²⁷ *Vɩɩm kõata mi-la a zak rãmb gãaga la b sõasg zĩiga, a ka sak a ya kʋɩɩma la a rɩtẽ ye.

²⁸ *Wʋsg yikame n kils a zu-noogo, b sɩd yikame n kils a sõmblem.

²⁹ *Yaang la taoor pagba sẽn tʋm b tʋʋm bɛdã ad foom n loog b fãa gilli!

³⁰ *Zĩ ne faong yaa zaalem, tar neerem yaa zaalem, sẽn toga ne pẽgre, yaa pag sẽn zoet Wẽnde.

³¹ Bɩ a sɩd la a kamb rɩ a tʋʋma yõodo, bɩ a tʋʋma wa ne a pẽgre. Zamaan ne zamaana!