Yelbũna 27 - SEBR SÕNGO

¹ Bũmb sã n ya beoog tẽebo, bɩ f ra yãg n noog f sũur ye, tɩ f ka mi rũnna sẽn na n wa ne bũmb ning ye.

² Bas tɩ ned a to kils-fu la f da kils f meng ye, bas tɩ ned a to pẽge, ra yɩ fo meng ye.

³ Kugr zɩsame, bĩisri zɩsame, la yalem sũ-puur zɩslem yɩɩda rẽ fãa.

⁴ Sũ-puur dɩta wa bugum, n fõt wa kʋɩlga la ãnda n tõe yals sũ-ki-ned taoore?

⁵ Zabre sẽn ya vẽenega, são nonglem sẽn ya mugri.

⁶ Zoa pãbre são bɛ mogsgo. Mogsga yaa belgre.

⁷ Kokor sẽn tɩge pa rat sɩɩd ye, kokor sẽn sõs kom yetame tɩ bõn tɩɩsensa fãa yaa noogo.

⁸ Ninsaal sẽn zãr ne a ba yiri, yaa luiil sẽn zãr ne a tʋko.

⁹ Kaam sẽn tar yũ-noogo kõta sũ-noogo, zood naagda ne saglgo n zãagd yɩɩre.

¹⁰ Da bas f zoa, da bas f ba zoa ye. Yell sã n pak-fo, bɩ f ra zoe n babs f saam-biig sẽn be yɩɩg ye; zoa sẽn pẽ são f ba biig sẽn zãre.

¹¹ Bao yam sõngo, m biiga, n noog m sũuri tɩ m toog n leok sẽn paoogd-b maama fãa.

¹² Yam soab yãeta yel-beedo n zoe n soonde, t'a yam-pa-sek zãgs soondgo n bao yell n kõ a menga.

¹³ Ned sã n yet t'a na yao samd sãan zĩigẽ, bɩ a kɩs bobelle. Reeg bobelle, ka rẽ samda wat n paame n ka yao ye.

¹⁴ Ned sã n sãd beoogo n pord a yibeoog pʋʋsgo, b na n deega a pʋʋsga ne tʋʋre: «Menem!»

¹⁵ Pʋg-mo-be-neda wẽnda roog sugri sẽn tokd koom n pa sɛtẽ, saag niib raare.

¹⁶ Kok sobg tã ra loog yaa naana n yɩɩd gɩdg pʋg-kãnga t'a ra gome. Zã kaam f nugẽ tɩ ra rʋʋge, yaa naana n yɩɩda.

¹⁷ Kutu n saasd kutu, tɩ ninsaal yam zulgd a to rẽnna.

¹⁸ Sẽn get-a a kankang yell nere, rɩta a biisi, sẽn get-a a zu-soab yell neere, paamda waoogre.

¹⁹ Wala ned sẽn get a neng koomẽ, woto me ninsaal ne-la a sũuri a to sũurẽ.

²⁰ Wala bʋg-tẽnga la mogr sẽn pa tɩgdã, ninsaal me zɩ n yeel t'a raab pidame ye.

²¹ Wanzurf la sãnem yɩlgda boaagẽ, ninsaal me yʋʋr sẽn ka sãame n wilgd a sõmblem.

²² Ba b sã ning yalem teoogẽ n to ne koodo, a yalemdã kõn fʋk n bas-a ye.

Saglse

²³ Bãng f rũm-bõonego sã n bee laafi bɩ b sã n ka keem, ges b yelle.

²⁴ Arzɛk ka bũmb sẽn ka tar sɛɛb ye, arzɛka yaa wa naam pugla, ka tolemd zamaana n dabd zamaan ye.

²⁵ Wʋr pʋtẽ yamdã, bas yamda sẽn na n lɛɛg n yi wã wʋrbo la f wʋk sẽn zoe n wʋr tɩ be tãnga zugã.

²⁶ Wõrs f piisa kõbdo n wʋg futu n paam n yeelge; koos f boeesã n da pʋʋgo.

²⁷ F bʋʋsa sẽn kõt-f bĩisim wʋsgã, dɩk rẽ n dɩlg f menga, f zak rãmba la f roog kamba.