Yelbũna 24 - SEBR SÕNGO

Nin-sõng la nin-wẽnga

¹ Gũus n da maan sũ-kiir ne nin-wẽns ye, da tʋlg b tũudem ye.

² B sẽn baood yaa maan pãnga. B noor sẽn yiisd fãa yaa beedo.

³ Minim n lʋɩt taoore tɩ yir tõog n me. Yɩlẽ t'a pʋgẽ sak zĩndigu bee ne yam vẽenem dãmba.

⁴ Yam vẽenem n lʋɩt taoore tɩ teoog fãa paam a zĩiga, teed sẽn tar yõodo, teed sẽn sakd gesgo.

⁵ Ninsaal yam vẽenem n wat ne a pãnga, a bãngra paasda a pãnga.

⁶ Zabr zabda ne yam: sagend-b lagem koabga tɩ zab-zabd maan raoodo.

⁷ Yalem nifẽ, yam vẽenem wẽnda bũmbu a sẽn ka tõe n paame. B sã n gomd sẽn wat ne tẽnga manegr yelle, yẽ tɛk la a sĩnda.

⁸ Sẽn dat-a wẽnga, bool-y yẽ soaba tɩ lɩɩsa.

⁹ A yam-pa-sek tagsda wẽng bala, la neb fãa sẽn kis a soaba, wa fãa-fãa, yaa ned ninga toog sẽn ka be ne a taaba.

¹⁰ Yɩɩr sã n tar-fo, bɩ f ra bas raood ye, ka rẽ f pãng na n lebga komslem.

¹¹ Fãag b sẽn tar b rãmb fãa n dabd kʋʋbo, da bas tɩ b tall-ba n loog ne nen-soabg b sɩbgr zĩigẽ ye.

¹² Da wa yeele: tõnd da miime la? Fo zɩ tɩ sẽn zãad-a tõnd yõora miime. Bãmb n na n dol ninsaala wala a tʋʋm-manesem sẽn tog ne.

¹³ M biiga, dɩ sɩɩdo tɩ yaa noogo; sɩ-vak nooma noorẽ.

¹⁴ Bãngre me yaa noog boto f yamẽ. F sã n paam-a, ad beoog saagr beeme, f sẽn saagd bũmb ninga kõn vaal ye.

¹⁵ Nin-wẽnga, da gãneg bẽdgo nin-sõng zakẽ ye, da zɛ a yir ye.

¹⁶ Nin-sõng lʋɩ naor a yopoe me a na n yikame, nin-wẽng yẽ paada a wẽnemẽ.

¹⁷ F bɛ sã n lʋɩ bɩ f ra la ye, da noog f sũuri a sẽn lakẽ n lʋɩ wã yĩng ye.

¹⁸ Wẽnd sã n vʋm f laadã b sũur puugdame tɩ b bas-a n ka le sibg-a ye.

¹⁹ Da maan gãgs ne nin-wẽns ye, da maan sũ-kiir ne b ye.

²⁰ Nin-wẽns ka tar beoog yell saagre ye, b fitil na n kiime.

²¹ Zoe Wẽnd nifu, m biiga, zoe dĩma, lak ne zãms paala.

²² B wãab na n tiiga vugri bala, la d ka mi wɩɩbd ninga sẽn na n lʋɩ f zug ye.

MITBA SEBR A TO Yelbũna

²³ Woto ket n yaa yam dãmba goama. Ka tog tɩ b ges neng n bʋ bʋʋd ye.

²⁴ Ned ninga fãa sẽn na n yeel-a nin-wẽnga: ad-fo yaa nin-sõngo, yẽ soab bãng tɩ neba fãa kis-a lame, tɩ neba kãab-a-la wẽnga.

²⁵ Sẽn sagend-a nin-wẽnga zĩi ne laafi, Wẽnd bark sigda a soab zugu.

²⁶ Sẽn leokd-a n togs sɩda, b mok a soab yɛgdga.

²⁷ Sɩng f tʋʋmda yɩnga, sɩng f pʋta tʋʋma; dẽ poore, f na yaool n tɩ tɩ f yiri.

²⁸ Da kõ kaset faad ye, da tudg neb ne f goama ye.

²⁹ Da yeele: «A zagl sẽn maan maam woto wã, m na maan-a n lebse. M na n dola ned kam fãa a tʋʋm-manesem.»

Kʋɩɩma

³⁰ M bʋdga kʋɩɩm daolg pʋʋgo, m yega a sẽn sel a tɩɩs zĩig ningã.

³¹ M sẽn yãende, yaa gõose; gõos tuudu n da gãneg zĩig zãnga, kuga lalga da lʋɩɩme.

³² M yẽeme la m tagsa m yamẽ la m yeelame:

³³ mik m na n gũsa bilfã, m na n suusa bilfã, m na n kalma m nusã, m na n tẽega m nao bilfã,

³⁴ mik yaa rẽ n soos n wat ne naongo, wala wagdre sẽn soosd n wat zuubu; koma me na n soos n sig-f-la sãando.