Yelbũna 18 - SEBR SÕNGO

¹ Sẽn vɩ-a kɛɛnga la a meng yĩnga vɩ-la wala a sẽn date, saglgo buud fãa puugda a sũuri.

² A yam-pa-sek pa wɩngd ne tagsg ye, a sẽn nong yaa a wilg a sũur daabo.

³ Pʋ-toog sẽn be zĩig ninga sãbsgo me bee be; ned sã n ka le kẽed f tãpẽ, legba pursgu.

⁴ Ninsaal goama, bãng ko-zulunga, koom sẽn fõt ne pãnga, boto la yam sõngo.

⁵ Bũmb sẽn pa segde, yaa bʋ n yiis nin-wẽng yellẽ, n yaool n paalg ned sẽn ka tar a toorẽ yelle.

⁶ A yam-pa-sek zelemd kẽesd-a-la zabẽ, a yam-pa-sek noor n wat ne a pãbre.

⁷ A yam-pa-sek noor n wãad-a, a yam pa sek noor n lebg a kũum loanga.

⁸ Tẽn-kãn-ned goam zɛɛda wa rɩ-noodo, tɩ f sã n wãbd-a bɩ a sigd f yĩnga.

⁹ Kʋɩɩm daolgo yaa tẽn-wãad ma-biiga.

¹⁰ Soondg zĩiga: Naaba-Wẽnd yʋʋre; nin-sõng bas a meng ne Wẽnde, yell buug kõn le tõog n pak-a ye.

¹¹ Arzɛk soab arzɛka la a tãnsoben-doogo, arzɛka soab yamẽ a gũbga a meng ne lalg sẽn zãnde.

¹² Ned sã n zẽkd a menga, a lʋɩs n yao, ned sã n sulgd a menga, a ziir n yao pʋkri.

¹³ Ka kelg n tɩge n yãgd leokre, yaa wilg f gãeemdo n paas f yãnde.

¹⁴ Ninsaal tõe n deega yĩnga bãaga, la a sã n bẽed yam bãaga, a na n yɩɩ wãna n maan daoodo.

¹⁵ Sẽn tar-a yam baooda a bãngr paasgo. A sẽn nong kelgre yaa sẽn tõe n paas a bãngre.

¹⁶ Kũun pakda kʋɩlensa fãa, kũun kɩtdame tɩ dĩm dãmba taoor taab ka le yaa toog ye.

¹⁷ Sẽn deng-a toagsga kõta a meng bʋʋm; mik zabd-n-taaga na n waame tɩ lebg sogsgo.

¹⁸ Wẽnd leokre sɛɛsda zaba, nanamsa meng tũuda b sẽn yalse.

¹⁹ Ma biig sẽn paam paoogre ka le tõe n ta ye, lebga tãnsoben-doogo, lebga tẽng sẽn tõe n zab n fãag a menga.

²⁰ Noor sã n ka sakme, pʋg ka pit ye, ninsaal zelemde n kõt-a t'a rɩ.

²¹ Zelemde n tõe tɩ f vɩɩnde, zelemde n tõe tɩ f kɩ, sẽn mi-a goam n dɩt a yõodo.

²² F sã n paam paga, f paama sũ-noogo; yaa kũun la f paam Wẽnd nengẽ.

²³ Naong soab gomdame n bõsd tɩ b leok-a, la arzɛk soaba leokda ne pãnga.

²⁴ F sã n tar zo-rãmb wʋsgo, f ka le so f meng ye. Zoa ninga f nong-a lame n yɩɩd f ma-biiga.