Yelbũna 16 - SEBR SÕNGO

Soaala-Wẽnd ne ninsaala

¹ Ninsaal sẽn tõe yaa yɛla bilgri, sõng tɩ pidsa marsã bee ne Wẽnde.

² Ninsaal yamẽ, soya fãa yaa sõmbo, Naaba-Wẽnd bala n yaool n tar ned kam fãa neer la a goalenga.

³ Wilg Wẽnd f sẽn dat n tʋm tʋʋmd ninga, tɩ f sẽn dat na pidsi.

⁴ Wẽnd n naan bũmb fãa ne b raabo, n naan nin-wẽnga t'a yẽ toogo, sɩbgr kãsenga daare.

⁵ Wẽnd sẽn kis wa fãa-fãa yaa wilg-m-meng soaba, a pa tõe n pa reeg sɩbgr ye.

⁶ F sã n dat f yel-wẽna yẽesgo, modge ne sulg-m-menga la noor tũudem, modge n zoe Wẽnd nifu, n paam n põs wẽnga.

⁷ Ned vɩɩm sã n tat Wẽnd yam, Wẽnd meng n sõngd t'a yell maneg ne a bɛɛba.

⁸ F sẽn paam bilfu sã n yaa sõmblem paoongo, yɩɩda arzɛk wʋsgo sẽn ka tũ so-sõng n paame.

⁹ Ninsaal sũur baooda so-sõngo, la Wẽnd bala n kõt a Wẽnd pãnga.

Dĩma

¹⁰ Dĩma sẽn togse, Wẽnd n togse, bʋʋd zĩigẽ a ka mi ned wẽgb ye.

¹¹ Sẽn tar n makd zɩslma, ne a laas a yiibã, yaa Naaba-Wẽnd n so. Sẽn dɩkd n ning laasã pʋgẽ n bãng zislema le yaa Naaba-Wẽnd n so. Ninsaal da tall-ba n maan a sẽn dat ye.

¹² Sẽn ka tog wa fãa-fãa ne dĩma yaa wẽng maanego. Naam goeele zaoolgda neer sõmblem zugu.

¹³ Zelem sõng paamda dĩm sõm, la dĩm nonga ned ninga sẽn gomda t'a goama tũud sore.

¹⁴ Dĩm sũur sã n puugi, sõgen kãsenga la a yiisda: m ba Kũum. Nin-sõng n sigsd dĩm sũ-puuri.

¹⁵ Dĩm neng yãgda vɩɩm yãgbo, dĩm yel-sõmde maagda yĩnga wala pipi sa-koom.

¹⁶ Yam sõng pʋgb yõodo yɩɩda sãnem, a yõod yɩɩda wanzurf.

¹⁷ Nin-sõma so-sõngo yaa wẽng basgo; yõ-wok soaba la sẽn maand-a gũusgu a tʋʋma fãa pʋgẽ.

¹⁸ Titaam soaba wãab ka zɛɛd ye, wilg-m-meng lʋɩɩse segl n sɛɛme.

¹⁹ Sulg-m-menga n lebg bilfu ne nin-bõonese bee yõodo n yɩɩd naag nin-bɛdã n dɩ b paoongo.

²⁰ F sã n tags bũmb neere, f yãeta f sẽn na n maanega, sẽn teeg-a Naaba-Wẽnd n maand zu-noogo.

²¹ F tagsgo sã n ya sõngo, b tõe n bool-f lame tɩ yam vẽenem soaba. Sẽn sakd kelgre yaa koɛɛg sẽn bʋk n gome.

²² Sẽn tar-a yam sõngo tũuda vɩɩm sore, yalemsa yalemdo la b sɩbgre.

²³ Nin-sõng sẽn tagsd n yaool n goma yiisda gom tɩrse, a noor goama me yaa tɩrse, n sakd deegre.

²⁴ No-noom wẽnda sɩ-vaka: yẽ n noom noore, yẽ n noom yĩnsi.

²⁵ Nina yetame t'a sor yaa tɩrga, n mik yaa kũum sore n dɩg a taoore.

²⁶ Sẽn tusd tʋʋm-tʋmda yaa a pʋga, noora sẽn dat dɩɩbã, n tusd-a.

²⁷ Nin-yaalg baooda wẽnga, t'a zelemd yaa bug-vɩlenga.

²⁸ Ninsaan-kazukemdi yaa zab-taasa, tẽn-kãn-neda zablgda zo-rãmba ne taaba.

²⁹ Sũ-pu-neda tata a to n kẽesd-a a sẽn pa ratẽ.

³⁰ Sẽn bilgd-a wẽnga, la a mumd a nin la a noore, yẽ soab zoe m maana wẽnga.

³¹ Zoob peendo yaa zɩɩr pugla, zɩɩr soaba segda sõmblem sor zugu.

³² Ned sẽn tõe a sũuri yɩɩda gãndaoogo, maag-m-meng soaba yɩɩda tãnsoaba sẽn tõe n wã tẽnse.

³³ Tentees loadb lagem koabga tɩ Wẽnd daab reng pidsgu.