Yelbũna 14 - SEBR SÕNGO

¹ Pʋg sõng meta a roogo tɩ pʋg gãeeng wa tus-a ne a nus n lubi.

² Sẽn tũud-a noor yaa sẽn zoet-a Wẽnd nifu, sẽn sãbsd-a Wẽnde yaa sẽn tũud-a so-yoodo.

³ Yam kaoolg soab goamẽ ka kongd zẽk-m-meng ye, la yam sõng goama zãra ne rẽ.

⁴ Nag koodse sã n kaẽ, kood me ka ye, nag koaadg sã n tar pãnga kooda me waa zembala.

⁵ Nin-sõng togsda a nif sẽn yãende, kaset zirẽ yũug yaa zirẽ-beed yũugu.

⁶ Fo baooda yam sõng ne f toorẽ pãnga, ad-f kõn yãend-a ye, la a paoong yaa naana ne yam sẽn wɩsg a soaba.

⁷ Zãag f meng ne yalma, yẽ sɛɛgẽ f kõn tol n wʋm gomd sẽn tũud ye.

⁸ Wilg f vɩɩma sẽn tũud sor ninga, yaa yam sõng tʋʋmde, yaa ned sẽn tar gũus-m-menga tʋʋmde; nin-wẽng bus sɩdã n pukd a gãeemdo.

⁹ Nin-wẽng toog ka be ne a tudgr ye, la Wẽnd zood sigda nin-tɩrse.

¹⁰ Sũur mii a meng sũ-sãanga, la a ka basd t'a sũ-noog lebg sãan dẽnd ye.

¹¹ Nin-wẽng roog lʋɩta bõra, nin-sõng zãnde yɛsa wɩla n kaoose.

¹² Nina yãeta a sore n yet t'a yaa tɩrga, n mik yaa kũum sore n dɩg a taoore.

¹³ Laad tõe n laame, tɩ sũ-noog kaẽ ye, sũ-noog me tõe n wa baasa ne sũ-sãanga.

¹⁴ F yama na n wẽneg n yii ne f menga f sã n ka yɛs f zĩ-yɛnga, nin-sõng yẽ sũur na n kell n yɩ noog ne a tʋʋma.

¹⁵ Yam kaoolgo soab deegda a sẽn wʋm fãa, yam sõng soab maanda gũusgu n pa kẽnd yaar ye.

¹⁶ Yam sõng zoeta wẽnga n lebda a poorẽ, yam kaoolg soaba yɩkda ne tɩtaam n lʋɩ pʋgẽ.

¹⁷ Sũ-pu-ned maanda sẽn pa toge, yam kaoolg soab maandame tɩ b kis-a.

¹⁸ Yam kaoolg soab pʋɩɩr yaa gãeemdo, yam sõng soab zu-zẽkre yaa a bãngre paasgo.

¹⁹ Nin-wẽns yĩga nin-sõma taoore, nin-sõma dignoorẽ pida ne nin-wẽnse.

²⁰ Ba a yak nengẽ naong soab yẽta kisgu, arzɛk soaba zo-rãmb yaa wʋsgo.

²¹ Ned ninga sẽn sãbsd a to maanda wẽnga, sũ-noog soaba la sẽn zoet-a naong rãmb nimbãanega.

²² Wẽng maaneg yaa bõe sã n ka tudgri, sẽn baood-b neere la Wẽnd nonga la b pʋgda.

²³ Tʋʋmd fãa tara a yõodo, gom-toog yõod la pʋg vɩʋʋgo.

²⁴ Yam sõng rãmb zu-zẽkre la b arzɛka, yalemsã zu-zẽkre, yaa b yam kaoolgã sẽn pid zãngã.

²⁵ Sẽn kõt-a kaset sɩda fãagda neb yõore, sẽn yagd-a zirẽ yaa tẽn-wãada.

²⁶ Sẽn zoet-a Soaala-Wẽnd nifu zĩndga a menga laafi zĩigẽ la a kamb tara soondg zĩiga.

²⁷ Naaba-Wend nif zoeese wata ne vɩɩm, a sõngdame tɩ f gãndg f kũum bẽdgo.

²⁸ Naab zu-zẽkre yaa a poorẽ sã n ya yalengo. Naab neb sã n ya karkare naam sɛ yã.

²⁹ Sũ-bʋgsem soab tara yam, sẽn yãgd-a ne sũ-puuri pukda a gãeemdo.

³⁰ Vɩɩm sẽn sakde yaa sũur sẽn zãr ne yɩɩre, raab wagl lebga zũnzũuri n fõosd f kõaba sɩɩlem.

³¹ Sẽn maand-a a ka neng soab pãnga, tʋʋsda a Naanda, sẽn maand-a neer ne-a, waoogda Wẽnde.

³² Bũmb ka lubd nin-wẽnga n zʋʋg a wẽnem ye. Ba kũum wakato nin-sõng ket n tara saagre.

³³ Yam vẽenem sigda sẽn tar-a yam, yaa gãeemsa nengẽ bal la b pa na n yãend-a.

³⁴ Sõmblem zẽkda tẽnga rãmba, yel-wẽnd bala la b yãnde.

³⁵ Dĩm sẽn nong yaa sõgen sẽn tar yam, la a sũur puuda ne sẽn ningd-a yãnde.