Yaoolem 34 - SEBR SÕNGO

A Moyiiz kũum

¹ A Moyiiz yii Moab pʋ-weesẽ n tees Nebo tãnga, n ta Pisga zug tẽnsʋka. Tãn-kãng tota ne Zeriko la Soaala-Wẽnd wilg-a-la tẽnga zãnga, n sɩng Galaad n ta Dã.

² B wilg-a-la Neftali, n wilg-a Efrayim la a Manase tẽnse, a Zɩɩda soolma fãa n ta Tẽnsʋk mogre.

³ B wilg-a la Negɛb ne a sagsã, Zeriko bãg-faaga ne a komsã n ta Soar.

⁴ Soaala yeela a Moyiiz: «Yaa woto la tẽng ning m sẽn kãab a Abraam, a Izaak la a Zakoob. Tẽn-kãnga poorẽ la m da yeel-ba tɩ b loogr poore, b kamb n na n sooge. Tẽn-kãng la m wilg-f tɩ f ges ne f nini, la f naoor yaool n kõn tab-a ye.»

⁵ Yaa be la Wẽnd sõgen, a Moyiiz, ki yã, Moab tẽn-peelmẽ wala Wẽnd sẽn da yeele.

⁶ B mum-a-la Moab bãg-faagẽ, Bɛt-Peor yegende, la ba ne rũnna b ka bãng a yaooga zĩig meng taki ye.

⁷ A kũuma wakat t'a Moyiiz tara yʋʋm koabg la pisi. A nina ra ket n neeme, a pãng ra ka woog ye.

⁸ Dasem pis-tã tõre, Israyɛl kamba yãba a Moyiiz Moab pʋ-weesẽ.

⁹ A Nun biig a Zozuwe ra pida ne yam sõngo. A Moyiiz ra tẽega a nus a zugu. Woto Israyɛl kamba kelg-a lame la b tũu Wẽnd sẽn da wilg a Moyiiz.

¹⁰ Israyɛl ka leb n yãend a kamba sʋka, bãngd wala a Moyiiz ye; yẽ ne Wẽnd ra sõsda ne taaba, n ne taaba.

¹¹ Ya yẽnda la Soaala ra tʋm Ezipt tẽnga t'a tɩ berg bõn-bãna la yel-beed sẽn yɩkd pɛlẽnse, dĩma ne a poorẽ dãmb taoore.

¹² Yaa a Israyɛl nifẽ la a Moyiiz da wilgd a nug pãnga, la a bõn-bãna ra yɛɛsda wʋsgo.