Yaoolem 29 - SEBR SÕNGO

Tʋʋm bãna tẽegre

¹ A Moyiiz tigma Israyɛl kamba fãa n yeel-ba: «Y mens yãenda ne y nini Soaala sẽn maan Ezipt tẽng ne a dĩma la a sõgen-kamba la a tẽn-peelma gilli.

² Y sɩd yãenda ne y nini bõn-bãna la makr-dãmb sẽn wa ne tẽn-kũum menga.

³ La sẽn tãag rũnna, Soaala ra nan pa kõ-y yam tɩ y reege, n ko-y nin tɩ y yãende, n kõ-y tʋb tɩ y kelg ye.

⁴ B kɩtame tɩ y gilim yʋʋm pis-naas zĩ-peen-daagẽ. Y fut pa ki ye, y neooda ka wur ye.

⁵ Ka bur la y rɩ ye, ka rãam la rã-toos la y yũ ye; la yaa sẽn na yɩlẽ tɩ y yama puki tɩ y bãng tɩ bãmb la y Soaala la y Wẽnde.

⁶ D sẽn ta ka, Esbõ dĩm a Siyõ la Bazã dĩm a Og yi n segd-d lame n na n tak zabr ne-do, la d tõog-b lame.

⁷ Tõnd deega b tẽnsã n kõ a Rubẽ, a Gad la a Manase rooga bogre.

⁸ Tũ-y zooda noora sẽn sigl bũmb ningã tɩ y sẽn sɩng fãa na baas neere.

Modg-y tɩ zooda ra sãam ye

⁹ Yaa Wẽnnaam, y Soaala, taoor la y fãa yɛs rũnna, yãmb ne y taoor dãmba, ne y sagsã, ne y nin-kẽemsã, ne bʋ-kaoodbã, ne y tãnsoaben-dãmbã,

¹⁰ ne y kamba, y pagba la sãamba sẽn nok yãmb n wesd y raad la b yõngd y kooma.

¹¹ Y tigma ka n na yõg zoodã, ne Wẽnnaam, y Soaala, n na n wẽen n pidsi n paam n tɩlg kãab beeda sẽn naag n kãabã, la y rɩ b kãab noodã yõodo,

¹² n lebg b buudu, tɩ b lebg y Wẽnd, wala b sẽn pʋlme la wala b sẽn kãab a Abraam, a Izaak la a Zakoob.

¹³ Zooda sẽn yõg tɩ kãab beed naag n kãabã, ka yõg ne yãmb bal ye,

¹⁴ a yõga ne ned ning fãa sẽn yɛs ka rũnna n vʋʋsd ne yõore, Wẽnnaam, d Soaala, taoore. Zooda yõgda ne d yagens niyns fãa sẽn nan wat beoogo.

¹⁵ Yãmb yẽ mii d vɩɩma sẽn yɩ a soab Ezipt tẽnga, la y yãenda y sẽn pɩʋʋg tẽns niynsã.

¹⁶ Y yãenda b yel-yoodã la b wẽn-naandsã b sẽn tarã: raado, kuga, wanzurf la sãnem.

¹⁷ Bɩ m da wʋm tɩ yãmb sʋka, raoa bɩ paga bɩ saka a ye neba n lak b yam ne Wẽnnaam, d Soaala, n na n tɩ waoog tẽn-bãmba wẽn-naandsa ye. Bɩ y ra bas tɩ yẽgend toaag wa tão y sʋka n tob a wila, zẽnem la a tɩɩsem wila.

¹⁸ Ned sã n wʋm kãabdã n yet tɩ yẽ paama zu-noogo, t'a yɛla fãa na n baasa neere n yaool n ka lak ne a tʋʋm wẽna,

¹⁹ nin kãng bãng tɩ Wẽnd ka na n kõ-a sugr ye. B sẽn ka sak paoorã b sũura na wɩdga bugum n dɩ-a. Kãab beeda fãa sẽn gʋlsa na n mobg-a-la vugri tɩ Wẽnd yẽes a yʋʋr saaga tẽngre.

²⁰ Soaala na n welg-a-la toore, Israyɛl kamba sʋka, la na n yɩ-la a bõne tɩ noora naaga ne kãab beed n gʋls n sele.

Kãab beeda na n pidsame

²¹ Ad-y zamaan ning sẽn pʋgdã, ad-y yãmb kambã ne sãambã sẽn yi tẽn-zãoorgẽ, sã n wa yãend Soaala-Wẽnd sẽn pogl tẽnga to-to la b fẽeg-a bãase, b na n yeelame:

²² ‹Ad-y tẽnga gill yaa kidibri, yamsem la bugum. Bʋdb ka bʋt ye, tɩɩg ka tobd ye, tɩɩg ka bund n yi ye. Yaa wala Sodom la Gomor, Adma la Seboyim, Wẽnd sũura sẽn fõd wa sob-raoogo n zũndug zãnga.›

²³ Tẽnsa taaba fãa na n naaga taaba n yeele: ‹Yaa bõe la Soaala maan tẽn-kãnga woto? Bõe tɩ b sũura puug woto fãa?›

²⁴ La b na n yeelame: ‹Yaa b sẽn daag zoodã n bas tɩ sãama, Wẽnnaam, b Soaala, sẽn yõg zoodo ninga ne b yaab rãmba n sõng-b tɩ b yi Ezipt tẽnga.

²⁵ B pʋga wẽnd-dãmb a taaba, n wõgemd n waoog-ba, wẽnd-dãmb b sẽn dag n ka mi ye; wẽnd-dãmb sẽn da ka b pʋɩɩr ye.

²⁶ Yaa rẽ yĩng la Wẽnd puug b sũur ne tẽngã n bool a zugu kãab beed niyns fãa sẽn gʋls noora sebrẽ.

²⁷ Wẽnd sũur puugame, Wẽnd sũur fõdame tɩ b yiis-b b tẽngẽ n lob-b tẽng a to wa d sẽn ne rũnna.›

²⁸ Soaala-Wẽnd bala n mi sẽn solge. La b sẽn ka solg tõnd me la woto: b sẽn puk tõnd ne d kamba yĩnga, zamaan tõt sɛɛb yĩnga, yaa b noya d sẽn tog n tũ wã.