Sõadga 29 - SEBR SÕNGO

— —* -6- KIUUG A YOPOE SOABA

¹ Kiuug a yopoe soaba, a pipi raare, y na n maana tigsg Soaala-Wẽnd taoore. Baraare y kõn tʋm tʋʋmd ye.

² Y na n kõo Wẽnd yũ-noog maoongo: loalg a ye, pe-raoog a ye la yʋʋmd yɛng pe-bi a yopoe. Yaa rũms sẽn ka tar bãnde.

³ Tũnugda ne zom sẽn nag ne kaam: loalga yaa zom wam a tã, pe-raooga yaa zom wam a yi;

⁴ sã n ya pe-bi wã, pe-bil fãa yaa wũmbla.

⁵ N le paas boɛɛg, y yel-wẽna sugr kosg yĩnga,

⁶ tɩ b pa gomd ki-paalg fãa maoongã la beoog-beoog fãa maoongã ne b sẽn tũnugd ne rasem kam bũmb ningã. Dẽ la rɩɩb sẽn tar yũ-noogo n sigsd Wẽnd sũuri.

— —* -7- SUGR KOSG DA-KASENGA

⁷ Kiuug a yopoe soaba piig raare, y na n maana tig-raaga. Y na n loe y noor la y kõn tʋm tʋʋmd ye.

⁸ Y na n kʋʋ yũ-noog maoong Soaala-Wẽnd yĩnga: loalg a ye, pe-raoog a ye la yʋʋmd yɛng pe-bi a yopoe. Na n yɩɩ rũms sẽn ka tar bãnd ye.

⁹ Tũnugda ne zom sẽn nag ne kaam: loalga yaa zom wam a tã, pe-raooga yaa zom wam a yi,

¹⁰ pe-bil fãa yaa zom wũmbla.

¹¹ Le paasda boɛɛg sẽn na n kʋ yel-wẽna sugr kosg yĩnga, n le paas a Azazɛl boɛɛgã, sugr kosg ra kãsengã boɛɛg, n le paas beoog-beoog fãa maoongã ne a zoma la a rãama.

— —* -8- SẼGD KIBSA

¹² Kiuug a yopoe soaba piig la a nu raare, y na n maana tig-raag Soaala-Wẽnd yĩnga. Baraare tʋʋmd ka tʋmd ye. Na n yɩɩ gilgr la y na n gilg Soaala-Wẽnd yĩnga rasem a yopoe tõre.

¹³ Y sẽn na n kõ Soaala-Wẽnd baraare n sigs b sũuri na n yɩɩ lols piig la a tãabo, pe-raad a yiibu, la yʋʋmd yɛng pe-bi piig la a naase. Na n yɩɩ rũms sẽn ka tar bãnd ye.

¹⁴ Tũnugda ne zom sẽn nag ne kaam: loalg fãa yaa zom wam a tã, pe-raoog fãa yaa zom wam a yi,

¹⁵ pe-bil fãa, la yaa bãmb piig la a naase, pe-bil fãa yaa zom wũmbla.

¹⁶ Le paasda yel-wẽnd sugr kosg boɛɛgã la beoog-beoog fãa maoongã ne a zoma la a rãama.

¹⁷ Daar a yiib soaba sẽn na n pʋgã, lols piig la a yiibu, pe-raad a yiibu, yʋʋmd yɛng pe-bi piig la a naase. Fãa yaa rũms sẽn ka tar bãnd ye.

¹⁸ Tũnugda rũng fãa ne a zom la rãam wa sẽn maan dasem kam.

¹⁹ Paasda boɛɛg yel-wẽnd sugr kosg yĩnga ne beoog-beoog fãa maoongã ne a zoma la a rãama.

²⁰ Daar a tãab soaba sẽn na n pʋgã: Lols piig la a ye, pe-raad a yi, yʋʋmd yɛng pe-bi piig la a naase. Fãa yaa rũms sẽn ka tar bãnde.

²¹ Rũng fãa tũnugda ne a rasem kam zom la a rãam.

²² Le paasda boɛɛg yel-wẽnd sugr kosg yĩnga la beoog-beoog fãa maoongã ne a zoma la a rãama.

²³ Daar a naas soaba sẽn na n pʋgã: lols piiga, pe-raad a yi, yʋʋmd yɛng pe-bi piig la a naase. Fãa yaa rũms sẽn ka tar bãnd ye.

²⁴ Rũng fãa tũnugda ne a rasem kam zom la rãam.

²⁵ Le paasda boɛɛg yel-wẽnd sugr kosg yĩnga la beoog-beoog fãa maoongã ne a zoma la a rãama.

²⁶ Daar a nu soaba sẽn na n pʋgã: lols a wɛ, pe-raad a yi la yʋʋmd yɛng pe-bi piig la a naase. Fãa yaa rũms sẽn ka tar bãnd ye.

²⁷ Rũng fãa tũnugda ne a rasem kam zom la rãam

²⁸ Le paasda boɛɛg yel-wẽnd sugr kosg yĩnga la beoog beoog fãa maoongã ne a zoma la a rãama.

²⁹ Daar a yoob soaba sẽn na n pʋgã: lols a nii, pe-raad a yiibu la yʋʋmd yɛng pe-bi piig la a naase. Fãa yaa rũms sẽn ka tar bãnd ye.

³⁰ Rũng fãa tũnugda ne a rasem kam zom la rãam.

³¹ Le paasda boɛɛg yel-wẽnd sugr kosg yĩnga la beoog-beoog fãa maoongã ne a zoma la a rãama.

³² Daar a yopoe soaba sẽn na n pʋgã: lols a yopoe, pe-raad a yiibu la yʋʋmd yɛng pe-bi piig la a naase. Fãa yaa rũms sẽn ka tar bãnd ye.

³³ Rũng fãa tũnugda ne a rasem kam zom la a rãam.

³⁴ Le paasda boɛɛg yel-wẽnd sugr kosg yĩnga la beoog-beoog fãa maoongã ne a zoma la a rãama.

³⁵ Daar a nii soaba sẽn na n pʋgã na n yɩɩ kibsa baasgo. Tʋʋmd kõn tʋm baraar ye.

³⁶ Y na n kõo Soaala rɩɩb sẽn tar yũ-noog n sigsd b sũuri: loalga, pe-raoogo la yʋʋmd yɛng pe-bi a yopoe. Fãa yaa rũms sẽn ka tar bãnde ye.

³⁷ Rũng fãa tũnugda ne a rasem kam zom la rãam.

³⁸ Le paasda boɛɛg, yel-wẽnd sugr kosg yĩnga la beoog-beoog fãa maoongã ne a zoma la a rãama.

³⁹ Yaa woto la y na n kõ Soaala-Wẽnd b sẽn wilg yãmb dasem niynsã. B pa gomd da-zaan-daar maanda ye: pʋleng maand, yamleoog maand, yũ-noog maand, zom la rãam kũuni, laafi kosg maand.»