Sõadga 26 - SEBR SÕNGO

Sõadg a yiib soaba

¹ Tẽn-kũuma loogr poore, Soaala-Wẽnd yeela a Moyiiz ne a Aarõ biig a Elazar:

² «Sõd-y roog-roogo, a Israyɛl kamba zãnga. Sõd-y neb niyns fãa yʋʋm sẽn ta pisi bɩ yɩɩd rẽnna n tõe n yɩ tãb-biisi.»

³ A Moyiiz ne a Elazar kõo Israyɛl kamba koɛɛg Moab pʋ-weesẽ, Zʋrdẽ noorẽ, sã n be be n get yamsem mogrã Zeriko bee nug-rɩtgo. B yeel-b lame:

⁴ «Wala Soaala-Wẽnd sẽn kõ noore, d na n sõda neb niyns fãa yʋʋm sẽn ta pisi bɩ yɩɩd rẽ.» Ad Israyɛl kamba sẽn paam n yi Ezipt tẽnga:

⁵ A Israyɛl bi-kẽeng a Rubẽ roogẽ: Anokitse, a Anok yagense; Paluwitse, a Palu yagense;

⁶ Esronitse, a Esrõ yagense; Karmitse, a Karmi yagense.

⁷ Bãmb la a Rubẽ roogo. B sõor yɩɩ tus pis-naas la a tãabo la kobs-yopoe la pis-tã. (43 730)

⁸ A Palu biig a ye, a Eliyab,

⁹ n dog a Nemuwɛl, a Datã la a Abiram. A Datã la a Abiram da yaa taoor dãmba, la bãmb n da yik n guglem ne a Moyiiz la a Aarõ. Bãmb n naag a Kore neba n zab ne Soaala-Wẽnde.

¹⁰ Tẽnga noor yaagame n vel-ba, bãmb ne a Kore la a poorẽ dãmba, tɩ bugum me rɩ neb na ta kobs-yi la pis-nu, n puk sẽn põs-ba yam.

¹¹ A Kore meng kamba ra põsa wakat kãnga.

¹² B sõda a Simeõ roogẽ: Nemuwɛlitse, a Nemuwɛl yagense; Yaminitse, a Yamin yagense; Yakinitse, a Yakẽ yagense;

¹³ Zaritse, a Zera yagense; Sawulitse, a Sawul yagense.

¹⁴ Bãmb la a Simeõ roogo. B zãng yɩɩ tus pisi la a yi la kobs-yi. (22 200)

¹⁵ B sõda a Gad doogẽ: Sefonitse, a Sefõ yagense. Agitse, a Agi yagense; Sunitse, a Suni yagense;

¹⁶ Oznitse, a Ozni yagense; Eritse, a Eri yagense;

¹⁷ Aroditse, a Arod yagense; Arelitse, a Areli yagense.

¹⁸ Bãmb la a Gad doogo. B zãng yɩɩ tus pis-naase la kobs-nu. (40 500)

¹⁹ A Zɩɩda roogẽ: a Ɛr la Ona. B yiiba fãa ki Kanaã tẽnga.

²⁰ Ad-a Zɩɩda rooga kamba: Selanitse, a Sela yagense; Perizitse, a Perɛs yagense; Zerayitse, a Zera yagense;

²¹ A Perɛs roog la woto: Esronitse, a Esrõ yagense; Amulitse, a Amul yagense.

²² Bãmb me la a Zɩɩda roogo. B zãng yaa tus pisopoe la a yoobe la kobs-nu. (76 500)

²³ B sõda a Isakar doogẽ: Tolayitse, a Tola yagense. Ypvitse, a Ypva yagense;

²⁴ Yasubitse, a Yasub yagense; Simronitse, a Simrõ yagense.

²⁵ Bãmb la a Isakar roogo. B zãng yaa tus pisoob la a naase la kobs-tã. (64 300)

²⁶ B sõda a Zabulõ roogẽ: Sereditse, a Serɛd yagense. Elonitse, a Elon yagense; Yaleyelitse, a Yaleyɛl yagense.

²⁷ Bãmb la a Zabulõ roogo. B zãng fãa yaa tus pisoobe la kobs-nu. (60 500)

²⁸ B sõda a Zozɛf roogẽ: a Manase la Efrayim kamba.

²⁹ A Manase zakẽ: Makiritse, a Makir yagense. Le yaa Galaaditse, a Galaad yagense.

³⁰ Le paasa Yezeritse, a Yezɛr yagense; Elekitse, a Elɛk yagense.

³¹ Asriyɛlitse, a Asriyɛl yagense; Sekemitse, a Sekem yagense;

³² Semidayitse, a Semida yagense; Eferitse, a Efɛr yagense.

³³ A Efɛr biig a Selofead ka rog bi-ribl ye, yɩɩ kom-pugli bala: a Mala, a Noa, a Ogla, a Milka la a Tirsa.

³⁴ Bãmb la a Manase roogo. B zãng fãa yaa tus pis-nu la a yiibu la kobs-yopoe. (52 700)

³⁵ B sõda a Efrayim doogẽ: Sutelayitse, a Sutela yagense; Bekeritse, a Bekɛr yagense; Tanitse, a Tan yagense.

³⁶ A Sutela roogẽ: Eranitse, a Eran yagense;

³⁷ Bãmb la Efrayim roogo. B zãng fãa yaa tus pis-tã la a yiibu la kobs-nu. (32 500) B zãng fãa yaa a Zozɛf roogo.

³⁸ B sõda a Bẽnzame roogẽ: Beleyitse, a Bela yagense; Asebɛlitse, a Asebɛl yagense; Ayiramitse, a Ayiram yagense.

³⁹ Sufamitse, a Sufam yagense; Ufamitse, a Ufam yagense.

⁴⁰ B sõda a Bela roogẽ: Arditse, a Ard yagense; Naamanitse, a Naaman yagense.

⁴¹ A Bẽnzame roog la bãmba. B zãng fãa yaa tus pis-naas la a nu la kobs-yoobe. (45 600)

⁴² B sõda a Dã roogẽ: Suamitse, a Suam yagense; a rooga ka weel sags ye.

⁴³ Suamitsa zãng yɩɩ tus pisoob la a naase la kobs-naase. (64 400)

⁴⁴ B sõda a Asɛr roogẽ: Imnayitse, a Imna yagense; Isevitse, a Isevi yagense; Beriayitse, a Beriya yagense.

⁴⁵ A Beria roogẽ: Eberitse, a Ebɛr yagense; Malkiyɛlitse, a Malkiyɛl yagense.

⁴⁶ A Asɛr bi-pugla yʋʋr la a Sera.

⁴⁷ Bãmb la a Asɛr roogo. B zãng fãa yaa tus pis-nu la a tã la kobs-naase. (53 400)

⁴⁸ B sõda a Neftali roogẽ: Yasiyɛlitse, a Yasiyɛl yagense; Gunitse, a Guni yagense.

⁴⁹ Yeseritse, a Yesɛr yagense; Silemitse, a Silem yagense.

⁵⁰ Bãmb la a Neftali roogo. B zãng fãa yaa tus pis-naas la a nu la kobs-naase. (45 400)

⁵¹ Dɩlla Israyɛl kamba zãng fãa yɩɩ tus kobs-yoob la a ye la kobs-yopoe la pis-tã. (601 730)

Tẽnga pʋɩɩbo

⁵² Soaala-Wẽnd yeela a Moyiiz:

⁵³ «F na n tũu sagsa sõor n pʋɩ tẽngã.

⁵⁴ Saka neb sõor sã n ya wʋsgo, a soolma me yɩta wʋsgo. Ned kam fãa reegda pʋɩɩr sẽn zems ne a neba sõor. Sak ninga neb sẽn ya wʋsgo vẽenem yɩɩda sẽn pa taa yẽnda.

⁵⁵ Ne rẽ fãa, tẽnga pʋɩɩb na tũu poeere.

⁵⁶ B na n poeesame n bãng tẽns niyns sẽn na n yɩ sags bɛda la sags bõonesa rẽnna.»

Levitsa sõadga

⁵⁷ B sõda a Levi roogẽ: Gersonitse, a Gersõ yagense. Keyatitse, a Keyat yagense; Meraritse, a Merari yagense;

⁵⁸ B sõda a Levi roogẽ yɛsa: Libnitse, Ebronitse, Malitse, Musitse, Koreyitse. A Keyat n dog a Amram.

⁵⁹ A Amram paga ra boondame tɩ Zokbɛd; a yaa a Levi bi-pugla a sẽn dog Ezipt. Yaa ne a paga a Zokbɛd, la a Amram doga a Aarõ, a Moyiiz la b tão a Miriyam.

⁶⁰ A Aarõ kamb la a Nadab, a Abiyu, a Elazar la Itamar.

⁶¹ Kũum looga ne a Nadab la a Abiyu tɩ b yõgna Wẽnd taoore wisdu b sẽn da ka tar sor n yõgne.

⁶² Levitsa sõda tus pisi la a tã. B sõda kom-dibli sẽn ta kiuugu. B ra ka naag bãmb n sõd ne buuda taaba tɩ b ra pa tog n paam tẽn-kẽedg wa Israyɛl kamb a taab ye.

⁶³ A Moyiiz ne maan-kʋʋd a Elazar n sõd Israyɛl kambã a Moab pʋ-weesẽ, Zʋrdẽ kʋɩlg noor, Zeriko yegende.

⁶⁴ Bãmb sʋka ned pa zĩnd a Moyiiz ne maan-kʋʋda Aarõ sõadga sẽn maan Sinayi zĩ-peen-daagẽ wã ye.

⁶⁵ Wẽnd meng n da yeela bãmb dãmbã tɩ b fãa na n paa zĩ-peen-daagẽ wã. Neb a yiib bala n põse: a Yefune biig a Kalɛb la a Nun biig a Zozuwe.