Sɩngrẽ 10 - SEBR SÕNGO

A Nowe yagense

¹ A Nowe kambã: a Sɛm, a Kam, a Zafɛt doga wʋsgo. B weka balbo, ko-kẽenga poore.

² A Zafɛt kamba: a Gomɛr, a Magog, a Mɛd, a Yavã, a Tubal, a Mosɛk, a Tiras.

³ A Gomɛr kamba: a Askenaz, a Rifat, a Togarma.

⁴ A Yavã kamba: a Elisa, a Tarsis, Kitim la Rodanim.

⁵ Yaa bãmb zamaanẽ la neba sɩng n sẽeg taaba n kẽ mogra noorẽ tẽnse la tẽns sẽn puk mogr sʋka, ned kam fãa ne a weoogo, a goama, a sagse, a tẽn-peelem.

⁶ A Kam kamba la woto: a Kus, a Misrayim, a Ypt, a Kanaã.

⁷ A Kus kamba: a Seba, a Abila, a Sabta, a Rama, a Sabteka. A Rama kamba: a Seba, a Dedã.

⁸ A Kus n dog a Nemrod, yẽ la tẽng zug pipi gãndaoogo.

⁹ Da yaa tãoos sẽn yi ne pãng Wẽnnaam nugẽ, la b maana yelbũn a poorẽ: Tãoos ne pãng Wẽnnaam taoore, wala a Nemrod.

¹⁰ A soolma na-tẽns yɩ-la a Babɛl, a Erɛk la Akad la Kalne; fãa yaa Sinear tẽn-peelmẽ.

¹¹ A Nemrod waa n yii be n dig Asʋr n tɩ me Niniv, tẽng ne so-raad sẽn kõog yalens-yalense, Reobot-Ir, n paas Kela tẽnga,

¹² tẽn-kãseng menga, n le paas Resen, la yẽnda bee Niniv la Kela sʋka.

¹³ A Misrayim kamb yaa Lud tẽng rãmba, n paas Anam, Leab, Naftu,

¹⁴ n paas Ezipt nug rɩtg rãmba wala Kaslu, be la Filisti rãmb yita, n pas Krɛt rãmba.

¹⁵ A Kanaã n dog a Sidõ, a pipi biiga. A Ɛt n pʋgda.

¹⁶ A buud yɛsa la Zebuzitse, Amoritse, Zirgazitse,

¹⁷ Ivitse, Arkitse, Sinitse,

¹⁸ Arvaditse, Sɛmaritse la Amatitse. A Kanaã buuda waa n sɩnga sẽegre.

¹⁹ B tẽnga toaag sɩngda Sidõ n digd Gerar, n tat Gaza n teesd Sodom, Gomor, Adma, Seboyim n tat Leza.

²⁰ A Kam kamb la woto, ne b sagse la b buuda goama ne b tẽnse la b tẽn-peelem.

²¹ A Zafɛt kẽem a Sɛm me n dog a Ebɛr yaaba.

²² A Sɛm kamb yɩ-la a Elam, a Asʋr, a Arpaksad, a Lud, a Aram.

²³ A Aram kamb yɩ-la a Uk, a Ul, a Getɛr la a Mas.

²⁴ A Arpaksad n dog a Sela t'a Sela dog a Ebɛr.

²⁵ A Ebɛr kamb yɩ-la a yiibu: pipi soaba a Pelɛg tɩ yɩɩ yẽ wakatẽ la neba sɩng taab welgre; a yao wã yʋʋr la a Yoktã.

²⁶ A Yoktã kamb la a Almodad, a Selɛf, a Asar-mavɛt, a Yera,

²⁷ a Adoram, a Uzal, a Dikla,

²⁸ a Obal, a Abimayɛl, a Seba,

²⁹ a Ofir, a Avila, a Zobab, bãmb fãa yɩ-la a Yoktã kamba.

³⁰ B tẽnga ra sɩngda Mesa n digd Sefar, tãng ninga sẽn bɛ-a yaangã.

³¹ A Sɛm kamba la woto, ne b sagse la buuda goama, ne b tẽnse la b tẽn-peelem

³² Boto me la a Nowe kamb kibare, ned kam fãa ne a doogo la a buud goama, la a tẽn-peelem. Yaa wakat kãnga, ko-kẽenga poore, la ninsaalb sɩng sẽegr tẽng zugu.