Maan‑kʋʋre 21 - SEBR SÕNGO

Maan-kʋʋdba poorẽ

¹ Soaala-Wẽnd yeela a Moyiiz t'a taas maan-kʋʋdba, a Aarõ kamba, woto: «Kisa ne maan-kʋʋda t'a sɩɩs a buuda ned sẽn ki,

² sã ka b pẽe taab ne rogem. Rogma me sẽn pẽneg maan-kʋʋd ne ned ning yaa a ba, a ma, a bi-ribla, a bi-pugla, a kẽem bɩ a yao.

³ Sã n yaa a tão sẽn nan ka kul sɩda, a tõe n sɩɩs-a lame, a sẽn ka lʋɩ ned a to soolmẽ yĩnga. A pa tõe n sɩɩs-a, a sã n kul sɩd ye, yaa kisgu.

⁴ A ra yeel t'a yaa buud kãsma n saag n sɩɩs yaar ye: kisame.

⁵ Maan-kʋʋd ra põng a zug tẽnsʋk ye, a ra kok a toɛɛng ye, a ra bog a meng ye.

⁶ Maan-kʋʋd welga toore n ya Wẽnd pʋɩɩre, a ra sãam Soaala-Wẽnd yʋʋr ye. Yaa bãmb n wat ne kũuni, n wat ne rɩɩbo n kõt Soaala-Wẽnde la b tog n yɩɩ sõma.

⁷ A ra kẽ ne pʋg-yoodr ye, a ra kẽ ne pag yʋʋr sẽn sãam ye, a ra kẽ ne pag a sɩd sẽn yiis ye, tɩ maan-kʋʋd dɩka a meng n kõ Soaala-Wẽnde.

⁸ Ges maan-kʋʋd wa nin-sõngo tɩ yẽ n wat ne Naaba-Wẽnd dɩɩbo. Ges-a wa ned sẽn welg toore la yaa maam n welg-a toore la maam la a Wẽnde, rũnna la beoogo.

⁹ Maan-kʋʋd bi-pugl sã n sãam a yʋʋr ne yoobo, yaa maan-kʋʋda yʋʋr la a sãam yã; b tog n yõog-a-la bugum.

Maan-kʋʋd kãsenga

¹⁰ Sã n ya maan-kʋʋd kãseng b sẽn daag kaam sõng a soab zugu, sẽn yeelga fu-sõma n deeg maan-kʋʋr naama, bɩ a ra yidg a zoobd ye, a ra kẽes a fut ye.

¹¹ A ra pẽneg kũum, yaa a ba bɩ a ma n ki, n sãam a sõmblem ye.

¹² A ra yi Wẽnd waoogra ro-sõngẽ wã n lɛɛg n wa ne rẽgdo n paoog Wẽnnaam doogo, tɩ b sẽn taag-a ne kaam sõngã, b welg-a-la toore. Yaa maam la a Soaala-Wẽnde, rũnda la beoogo!

¹³ A sã n na n kẽ kãadem bɩ a yi ne pa-kuli.

¹⁴ A ra saag n dɩk pʋg-kõore, a da rɩk pag a sɩd sẽn dig bɩ sẽn rẽgem a meng ne yoob ye. Yaa a buudẽ bi-pugla n kuiis-a.

¹⁵ Woto a buuda kõn waa n kalem ne bu-zẽnd ye la yaa maam b Wẽnnaam n welg-b toore.»

Gɩdgre

¹⁶ Wẽnnaam yeela a Moyiiz

¹⁷ t'a wilg a Aarõ woto: «Ad noor f sẽn nan deeg zamaan woo zamaana: f kamba la f yagensa sʋka, ned da saag n kolg ne Wẽnd kũuni, a yĩnga sã n tar bãnd ye.

¹⁸ Ad neb niyns yĩng sẽn tar bãnde tɩ b pa tõe n pids maan-kʋʋr tʋʋmde: m nin pa ne ye, m yaa woabga, m yõe-rot wãame, m tʋb fiusame, m kams bɩ m nao yaa lɛbla,

¹⁹ m nus bɩ m nao kiime,

²⁰ m yaa kũnd soaba, m yaa ned sẽn butme; m nif bẽeda yẽbga; m tara dasempʋɩɩga, m tara nod kʋdre la m yaa zu-soaba.

²¹ Maan-kʋʋd, a Aarõ, yagenga yĩng sã n tar bãnde, a kõn tõog abada n tall kũuni n wa kõ Wẽnd ye. A sẽn ya koamsa yĩnga, a ra kolg ne Wẽnd dɩɩb ye.

²² A tõe n dɩɩ Soaala-Wẽnd dɩɩbo, wala sugr la laafi kosg maando.

²³ A ka tõe n kolg peen-lilla ne maan-kugra ye; a wat n paooga m dooga ne a te-sõma wã la maam n welg-a toore.»

²⁴ A Moyiiz taasa Wẽnd koeesa fãa a Aarõ ne a kambã la a Israyɛl zãma.